ކުޅުދުއްފުށި ގެއެއްގެ ބަދިގޭގައި ރޯވެ އަނދައިފި

ހދ. ކުޅުދުއްފުށި ގެއެއްގެ ބަދިގޭގައި އަލިފާން ރޯވެ އަނދައި، ވަރަށް ބޮޑަށް ގެއްލުންވެއްޖެއެވެ.

Ads by MWSC

އެމްއެންޑީއެފުން ބުނީ ކުޅުދުއްފުށި "ގޮންބުލިމާގެ" ބަދިގޭގައި ހިނގި އަލިފާނުގެ ހާދިސާ ގައި އެއްވެސް މީހަކަށް އަނިޔާވެފައިނުވާ ކަމަށެވެ.

ނަމަވެސް މިއަދު ހެނދުނު ރޯވި އަލިފާންގަނޑު ނިއްވާލެވުނުއިރު ބަދިގެއަށް ވަރަށް ބޮޑަށް ގެއްލުންވެފައިވާ ކަމަށް އެމްއެންޑީއެފުން ބުންޏެވެ.

ބަދިގޭގައި ރޯވާން ދިމާވި ސީދާ ސަބަބެއް އެނގިފައެއް ނުވެއެވެ.

ސިފައިން ބުނީ، ގޮންބުލިމާގެ ބަދިގޭގައި އަލިފާން ރޯވިކަމަށް އެމްއެންޑީއެފް ނޮދަން އޭރިއާ ކޮމާންޑް، ހދ.ކުޅުދުއްފުށީ ފަޔަ ސްޓޭޝަނަށް ރިޕޯޓްކޮށްފައިވަނީ މިއަދު ހެނދުނު 10:30 ހާއިރު ކަމަށެވެ.

އަލިފާން ނިއްވާލެވިފައިވަނީ 10:40 ހާއިރު ކަމަށް އެމްއެންޑީއެފުން ބުންޏެވެ.