އިކޮނޮމިކް މިނިސްޓަރު ރަސްމީ ދަތުރުފުޅެއްގައި އިނގިރޭސިވިލާތަށް ފުރާވަޑައިގެންފި
ކޮމަންވެލްތުގެ ޓްރޭޑް އެންޑް އިންވެސްޓްމަންޓް ރައުންޑްޓޭބަލްގައި ބައިވެރިވެވަޑައިގަތުމަށް މިނިސްޓަރު އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް މުހައްމަދު ސައީދު އިނގިރޭސިވިލާތަށް ފުރާވަޑައިގެންފި އެވެ.
އެ މިނިސްޓްރީއިން ބުނެފައިވަނީ އެމަނިކުފާނުގެ މި ދަތުރުފުޅުގެ މަޤްޞަދަކީ ޤައުމުގެ އިޤްތިޞާދީ އަދި އިޖްތިމާޢީ ތަރައްޤީއަށް މުހިންމު ދިރުމެއް ހުރި މާލީ ބާޒާރެއް ޤާއިމުކުރުމަށް އިނގިރޭސިވިލާތުގެ މާލީ ދާއިރާގެ ބައިވެރިންގެ އެހީތެރިކަން ހޯދުމެވެ. އަދި މި މަޝްވަރާތަކުގެ މައިގަނޑު މައުލޫމާތަކީ ރާއްޖެ އިންޓަނޭޝަނަލް ފައިނޭންޝަލް ސާވިސަސް އޮތޯރިޓީ އާއި ޑިވެލޮޕްމަންޓް ބޭންކެއް ތަރައްގީ ކުރުމެވެ.
މިގޮތުން މި ދަތުރުފުޅުގައި ޤާނޫނީ އޮނިގަނޑާއި، މާލީ ދާއިރާގެ އިންފްރާސްޓްރަކްޗަރ ޒަމާނީކުރުމާއި، އިންޓަރނޭޝަނަލް ފައިނޭންޝަލް ސެންޓަރުތައް އުފެއްދުމަށް ޒަމާނީ އަދި ދުނިޔޭގެ ފެންވަރުގެ ވެރިކަމާއި، ސްޓްރެޓެޖީއާއި، އޮޕަރޭޝަންސް ފްރޭމްވޯކެއް ތަރައްޤީކުރުމާ ގުޅޭގޮތުން އިނގިރޭސިވިލާތުގެ މާލީ ޚިދުމަތްދޭ ފަރާތްތަކާއެކު ރަސްމީ މަސައްކަތުގެ ގުޅުންތައް ގާއިމްކުރެވޭނެ އެވެ.
މި ދަތުރުފުޅުގައި މިނިސްޓަރު އިނގިރޭސިވިލާތުގެ ސަރުކާރުގެ އޮފިޝަލުންނާއި، ހައުސް އޮފް ލޯޑްސްގެ އިތުރުން އިނގިރޭސިވިލާތުގެ މާލީ އަދި ޕްރޮފެޝަނަލް ސާވިސަސް އިންޑަސްޓްރީގެ މަންދޫބަކާ ބައްދަލުކުރައްވާނެ އެވެ.
ރާއްޖެއާއި އެހެން ގައުމުތަކާއި އޮންނަ ގުޅުން ބަދަހި ކުރުމަށް ސަރުކާރުން އަންނަނީ މަސައްކަތް ކުރަމުންނެވެ.
Ads by STO
