241 ކޮމިޓީގެ މުގައްރިރަކަށް ސަލީމް، މާލިއްޔަތަށް ގާސިމް
ރައްޔިތުންގެ މަޖިލީހުގައި އެކުލަވާލެވިފައިވާ ކޮމިޓީތަކުގެ ތެރެއިން ސަލާމަތީ ހިދުމަތްތަކުގެ ކޮމިޓީ (241 ކޮމިޓީ) ގެ މުގައްރިރަކަށް އޭދަފުށީ ދާއިރާގެ މެމްބަަރު އަހުމަދު ސަލީމް، އަދި މާލިއްޔަތު ކޮމިޓީގެ މުގައްރިރަކަށް މާމިގިލި ދާއިރާގެެ މެމްބަރު ގާސިމް އިބްރާހީމް ހަމަޖެއްސުމަށް ފާސްކޮށްފި އެވެ.
މިއަދުގެ މަޖިލިސް ޖަލްސާގައި ވަނީ ދާއިމީ ކޮމިޓީތައް އެކުލަވާލާ ގޮތާއި އެކު، އެ ކޮމިޓީތަކުގައި ތިއްބަވާނެ މެންބަރުން ފާސްކޮށްފަ އެވެ. އޭގެ ފަހުން ކޮންމެ ކޮމިޓީއަކުން ވެސް ވަނީ އެ ކޮމިޓީއެއްގެ މުގަރިއްރާއި ނައިބު މުގައްރިރު ކަނޑަައަޅާފަ އެވެ. މުގައްރިރުންނާއި ނައިބުން މިއަަދު ކަނޑައެޅި ބައެއް ކޮމިޓީތަކަކީ:
- ސަލާމަތީ ހިދުމަތްތަކުގެ (241) ކޮމިޓީގެ މުގައްރިރަަކަށް ސަލީމް؛ ނަައިބަކަށް ޕީއެންސީގެ ޕާލިމަންޓްރީ ގްރޫޕުގެ ލީޑަރު، އިނގުރައިދޫ ދާއިރާގެ މެންބަރު އިބްރާހިމް ފަލާހު
- މާލިއްޔަތު ކޮމިޓީގެ މުގައްރިރަކަށް ޖުމްހޫރީ ޕާޓީ (ޖޭޕީ)ގެ ލީޑަރު ގާސިމް؛ ނައިބަކަށް އޭދަފުށީ ދާއިރާގެ މެމްބަރު އަހުމަދު ސަލީމް
- ޖުޑީޝަރީ ކޮމިޓީގެ މުގައްރިރަކަށް މަނަދޫ ދާއިރާގެ ޕީއެންސީ މެންބަރު ހުސްނީ މުބާރަކް؛ ނައިބަކަށް ހުރާ ދާއިރާގެ މެންބަރު ޑރ. އާނާރާ ނައީމް
- ލާމަރުކަޒީ ކޮމިޓީގެ މުގައްރިރަކަށް މައްޗަންގޮޅި މެދު ދާއިރާގެ މެމްބަރު އިބްރާހީމް ޒަމީރު؛ ނައިބަކަށް ވިލުފުށީ ދާއިރާގެ މެމްބަރު ހަސަން ވަހީދު
- ސްޓޭޓް އޯންޑް އެންޑް އެންޓަޕްރަައިޒެސް ކޮމިޓީ (އެސްއޯއީ)ގެ މުގައްރިރަކަށް ބާރަށު ދާއިރާގެ މެންބަރު އިބްރާހިމް ޝުޖާއު، ނައިބަކަށް ފުވައްމަލަކު ދެކުނު ދާއިރާގެ އިބްރާހިމް ހުސެއިން (އިއްބެ)
- އައިސީޓީ ކޮމިޓީގެ މުގައްރިރަކަށް މިލަންދޫ ދާއިރާގެ މެމްބަރު ހަސަން މުފީދު އަބްދުލް ގާދިރު؛ ނައިބަކަށް މައްޗަން ގޮޅި އުތުރު ދާއިރާގެ މެމްބަރު އިބްރާހީމް މުހައްމަދު
- ފެޓިޝަން ކޮމިޓީގެ މުގައްރިރަކަަށް ގައްދޫ ދާއިރާގެ މެމްބަރު މުހައްމަދު އަލީ؛ ނައިބަކަށް ހެންވޭރު އުތުރު ދާއިރާގެ މެމްބަރު އަހުމަދު އައިފާން
- އިގްތިސާދީ ކޮމިޓީގެ މުގައްރިރަކަށް ފުވައްމުލަކު މެދު ދާއިރާގެ މެންބަރު އަލީ ފަޒާދު؛ ނައިބަކަށް ތިނަދޫ އިތުރު ދާއިރާގެ މެންބަރު ސައުދުﷲ ހިލްމީ
- އާންމު ކޮމިޓީގެ މުގައްރިރަކަށް ހުޅުދޫ ދާއިރާގެ މެންބަރު މުހައްމަދު ޝާހިދު (ޝާޑް)؛ ނައިބަކަށް ހޮޅުދޫ ދާއިރާގެ މެންބަރު އަބްދުއްސައްތާރު މުހައްމަދު
- އިމްތިޔާޒް އަދި ސުލޫކް ކޮމިޓީގެ މުގައްރިރަކަށް ދިއްދޫ ދާއިރާގެ މެމްބަރު އަބްދުއްލަތީފް މުހައްމަދު؛ ނައިބަކަށް ހުޅުމާލެ އުތުރު ދާއިރާގެ މެމްބަރު ހުސެއިން ޝަރީފް
- އެންވަޔަރަމަންޓް ކޮމިޓީގެ މުގައްރިރަކަށް މާފަންނު ދެކުނު ދާއިރާގެ މެމްބަރު އަބްދުﷲ ރިފާއު؛ ނައިބަކަށް މުލަކު ދާއިރާގެ މެމްބަރު އިބްރާހީމް ނައުފަލް
- އިޖްތިމާއީ ކޮމިޓީގެ މުގައްރިރަކަށް މާފަންނު މެދު ދާއިރާގެ މެމްބަރު އަސްމާ ރަޝީދު؛ ނައިބަކަށް މާފަންނު ހުޅަނގު ދާއިރާގެ މެމްބަރު މުހައްމަދު މުސްތޮފާ
- ގަަވާއިދު ކޮމިޓީގެ މުގައްރިރަކަށް ތުލުސްދޫ ދާއިރާގެ މެމްބަރު އިބްރާހީމް ނަސީމް؛ ނައިބަކަށް ހުރާ ދާއިރާގެ މެމްބަރު އަަނާރާ ނައީމް
މި ހިނގަމުންދާ 20 ވަނަ މަޖިލީހުގައި ސުޕަ މެޖޯރިތީ އޮތީ، ވެރިކަން ކުރާ މައި ޕާޓީ ޕީއެންސީއަށް ވުމުން، މަޖިލީހުގެ ހުރިހާ ކޮމިޓީއެއްގެ މެޖޯރިޓީ ވެސް އޮތީ ހަމަ އެ ޕާޓީއަށެވެ. މާލިއްޔަތު ކޮމިޓީގެ މުގައްރިރު ފިޔަވައި އެހެން ހުރިހާ ކޮމިޓީތަކުގެ މުގައްރިރުންގެ ގޮތުގައި ހަމަޖައްސާފައިވަނީ ސަރުކާރު ތަމްސީލުކުރާ މެމްބަރުން ނެވެ.
