މެމްބަރަށް ސިހުރު ހެދިކަމަށް ބުނާ މީހާ ބަންދުން ދޫކޮށްލަައިފި
ށ. ފުނަދޫ ދާއިރާގެ ގޮނޑި ކާމިޔާބުކުރި މުހައްމަދު މަމްދޫހް (މަންޑޭ) ސިހުރު ހެދި ކަމުގެ ތުހުމަތުގައި ހައްޔަރުކުރި މީހާގެ ބަންދުން ދޫކޮށްލައިފި އެވެ.
މި މައްސަލައިގައި ހައްޔަރުކޮށްފައިވަނީ އުމުރުން 60 އަހަރުގެ މީހެެކެވެ. މެންބަރު މަމްދޫހަށް އަމާޒުކޮށް ސިހުރު ހެދި ކަމަށް ތުހުމަތު ކުރެވޭ އެ މީހާ، އެފަދަ ސާމާނުތަކާ އެކު ހައްޔަރު ކުރީ މި މަހުގެ ތިންވަނަ ދުވަހު އެވެ.
އެދުވަހު އޭނާ ފުނަދޫ މެޖިސްޓްރޭޓް ކޯޓަށް ގެންދިޔުމުން 15 ދުވަހުގެ ބަންދުގެ މުއްދަތެއް ދިނެވެ. އޭގެ ފަހުން އިތުރު 10 ދުވަސް ޖެހުމަށްފަހު އޭގެ ފަހުންވެސް ކޯޓުން ވަނީ އޭނާގެ ބަންދަށް އިތުރު 5 ދުވަސް ޖަހާދީފައެވެ. އެ މުއްދަތު ހަމަވުމާ ގުޅިގެން ކޯޓަށް ހާޒިރުކުރުމުން އޭނާ ވަނީ ދޫކޮށްލާފަ އެވެ.
ފުނަދޫގައި ސިހުރު ހެދި ކަމުގެ ކުށުގެ ތުހުމަތުގައި އެމީހާއާ ދެކޮޅަށް އެރަށުގައި މުޒާހަރާވެސް ކޮށްފައިވެ އެވެ.
Ads by STO
