Tuesday, 17 November 2026
Advertisement
HDC — Share-Below (leaderboard)
ސިޔާސީ

އުންމީދު ދޫކޮށް ނުލައްވާ، އަންނަ މަހު އެމްޑީޕީ އެނބުރި އަންނާނެ: ޞާލިޙް

އުންމީދު ދޫކޮށް ނުލައްވާ، އަންނަ މަހު އެމްޑީޕީ އެނބުރި އަންނާނެ: ޞާލިޙް

އިދިކޮޅު އެމްޑީޕީގެ އަމަލީ މަސައްކަތްތައް އަންނަ މަހު ފެންނާނެކަމަށް އެމްޑީޕީގެ އެޑްވައިޒަރ, ކުރީގެ ރައީސް އިބްރާހިމް މުހައްމަދު ޞާލިޙް ވިދާޅުވެއްޖެއެވެ.

އެމްޑީޕީ އުފެދުނުތާ 19 އަހަރު ފުރުން ފާހަގަކޮށް ރާއްޖެ ޓީވީއަށް ދެއްވި އިންޓަވިއުއެއްގައި ޞާލިޙް ވިދާޅުވީ އެމްޑީޕީ މިއަދު ވެސް މަސައްކަތް ކުރަނީ ގަދަކޮށް ކަމަށާއި އެމްޑީޕީ އޮފީހުގައި ގިނަ މަސައްކަތްތަކެއް ކޮމިޓީތައް ހަދައިގެން ކުރެމުން އަންނަ ކަމަށެވެ.

ރައީސް ވިދާޅުވީ އަންނަ ޖުލައި މަސް ފެށުމާއެކު ޕާޓީގެ އަމަލީ މަސައްކަތްތައް ފެށިގެންދާނެ ކަމަށާއި އެމްޑީޕީއަކީ ރާއްޖޭގައި އޮތް ޕާޓީ ނިޒާމު ދަމަހައްޓާ، ރައްޔިތުންނަށް ފައިދާ ހުރި ކަންތައްތައް އަދިވެސް ކޮށްދޭނެ ޕާޓީ ކަމަށެވެ.

Advertisement
HDC — Sidebar (box)

“އިރާދަކުރެއްވިއްޔާ އަމަލީ މަސައްކަތް ޖުލައިމަހުގެ ތެރޭގައި ފަށައި މީޑިއާތަކަށް ވެސް މިއަށްވުރެ ގިނައިން ބައްދަލުކޮށް މަޢުލޫމަާތު ދޭނެ. އުންމީދު ދޫކޮށް ނުލައްވައްޗޭ" ޞާލިޙް ވިދާޅުވިއެވެ.

ޞާލިޙް ވިދާޅުވީ ޕާޓީގެ ރިޔާސަތާއި ލީޑަރޝިޕް ބަދަލުވި ނަމަވެސް ސިޔާސަތުތަކަށް އެއްވެސް ބަދަލެއް ނާންނާނެ ކަމަށެވެ. އަދި މިވަގުތު އެންމެ މުހިންމު ކަމެއްގެ ގޮތުގައި ދެކެނީ އިންތިހާބުތަކާއި ގުޅިގެން ޕާޓީ ހީނަރުވެގެން ދިޔަ މިންވަރު އަންދާޒާ ކޮށްލުން ކަމަށް ޞާލިޙް ވިދާޅުވިއެވެ.

ރާއްޖެއަށް މަލްޓި ޕާޓީ ނިޒާމު ތައާރަފުވެ ސިޔާސީ ޕާޓީ ރަޖިސްޓްރީކުރުމަށް ހުޅުވާލުމުން އެންމެ ފުރަތަމަ ރަޖިސްޓްރީ ކުރި ސިޔާސީ ޕާޓީއަކީ އެމްޑީޕީއެވެ. އެ ޕާޓީން ވަނީ ރާއްޖޭގެ ވެރިކަން ދެފަހަރު ކޮށްފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.