ބިދޭސީއެއްގެ އަތުން ފޭރުނު އަންހެނަކު ހައްޔަރުކޮށްފި

ބިދޭސީއެއްގެ އަތުން ފައިސާތަކެއް ފޭރުނު މައްސަލައެއްގައި ދިވެހި އަންހެނަކު ހައްޔަރުކޮށްފި އެވެ.

Ads by Hajj Corporation

އެކަމެއް އިއްޔެ ހިނގާފައިވާއިރު، ފުލުހުންގެ ބެލުމުގެ ދަށަށް ގެންދިޔައިރު އެއީ ކުޅުދުއްފުއްޓަށް ނިސްބަތްވާ 28 އަހަރުގެ އަންހެނެކެވެ.

އަންހެން މީހާ ހައްޔަރުކުރީ ފޭރުމުގެ ކޮން މައްސަލައެއްގައި ކަމެއް ކްރިމިނަލް ކޯޓުގެ އަމުރުން އެނގޭކަަށް ނެތެވެ.

އެކަމަކު އޭނާ ހައްޔަރުކުރީ ބިދޭސީއެއްގެ އަތުން ފައިސާ ފޭރުނު މައްސަލައެއްގައިކަން ފުލުހުން މައުލޫމާތުދެ އެވެ. ފޭރުނީ ކިހާ އަދަދެއްގެ ފައިސާއެއް ކަމެއް ނޭނގެ އެވެ. އެކަމާއި ގުޅޭ އިތުރު މައުލޫމާތެއް ނުދެ އެވެ.

ހައްޔަރުކުރި އަންހެން މީހާއަކީ ބަންދުގެ ރިކޯޑުވެސް އޮތް މީހެކެވެ.

ކްރިމިނަލް ކޯޓުން ވަނީ އެ މީހާގެ ބަންދަށް 10 ދުވަސް ޖަހާފަ އެވެ.