Monday, 16 November 2026
Advertisement
STO — McCoy (leaderboard)
ސިޔާސީ

އިންޑިއާ އާއެކު ވެފައިވާ އެއްބަސްވުންތަކާ ގުޅޭ މައްސަލަތައް ބެލުން މަޑުޖެހިއްޖެ: ނާޒިލް

އިންޑިއާ އާއެކު ވެފައިވާ އެއްބަސްވުންތަކާ ގުޅޭ މައްސަލަތައް ބެލުން މަޑުޖެހިއްޖެ: ނާޒިލް

މިހާރު އިދިކޮޅު މައި ޕާޓީއެއްގެ ގޮތުގައި އޮތް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ސަރުކާރުން އިންޑިއާ އާއެކު ހަދާފައިވާ އެއްބަސްވުންތަކުގެ މައްސަލަތައް ބެލުމަށް ކުރެވެމުން އައި މަސައްކަތް މަޑުޖެހިފައިވާ ކަމަށް އެމްޑީޕީގެ ޕީޖީ ލީޑަރު ހިތަދޫ ދެކުނު ދާއިރާގެ މެމްބަރު އިބްރާހިމް ނާޒިލް ވިދާޅުވެއްޖެ އެވެ.

އެމްޑީޕީން ބުރާސްފަތި ދުވަހުގެ ރޭ ދަނޑިކޮށި ޖަގަހައިގައި ބޭއްވި ހަރުގެ ޖަލްސާގައި ވާހަކަ ދައްކަވަމުން ނާޒިލް ވިދާޅުވީ 20 ވަނަ ރައްޔިތުންގެ މަޖިލިހަށް ވަރަށް ގަދަ ބައެއް ބޭފުޅުން ވަޑައިގެންނެވި ކަމަށެވެ.

ނާޒިލް ވިދާޅުވީ, 241 ކޮމިޓީގެ ފުރަތަމަ ބައްދަލުވުމުގައި ޕީއެންސީގެ މެންބަރަކު ހުށަހެޅުއްވީ އިންޑިއާ އާއެކު ހަދާފައިވާ ހުރިހާ އެއްބަސްވުންތަކެއް ގެނައުމަށެވެ.

Advertisement
HDC — Sidebar (box)

އެއްބަސްވުންތަކުގެ މައްސަލަ ބަލަން ޖޫން މަހުގެ ނުވަ ވަނަ ދުވަހު ހުށަހެޅުއްވިއިރު، ރައީސް ޑރ. މުހައްމަދު މުއިއްޒު ހުންނެވީ ނިއުދިއްލީގަ އެވެ. އިންޑިއާގެ ބޮޑުވަޒީރު، ނަރެންދުރަ މޯދީ އާ ދައުރަކަށް ހޮވިވަޑައިގަތުމުން ބޭއްވި ހުވާކުރެއްވުމުގެ ރަސްމިއްޔާތުގައި ބައިވެރިވެ ވަޑައިގަތުމަށެެވެ.

އަދި އެ މެންބަރު އެކަން ކުރި ވަގުތު އިއްތިފާގުން ދިމާވީ ރައީސް އިންޑިއާގެ ބޮޑުވަޒީރު އަރިހުގައި ހުންނެވި ވަގުތަކާ އެވެ. އިންޑިއާ އާއެކު ވެފައިވާ އެއްބަސްވުންތަކުގެ މައްސަލަ ބެލުމަށް ހުށަހެޅުމާ ރައީސް އިންޑިއާއަށް ކުރެއްވި ފުރަމާނަ ދަތުުރުފުޅާ މަޖާޒީ ގޮތުން ގުޅުވާ ވާހަކަ ދައްކަވަމުން ވިދާޅުވި އެވެ.

ނާޒިލް ވިދާޅުވެފައި ވަނީ މައްސަލަތައް ބެލުމަށް ހުށަހެޅުނު ނަމަވެސް އެފަހުން އެކަން ކުރިއަށް ނުގޮސް މަޑުޖެހިފައިވާ ކަމަށެވެ.

ސަލާމަތީ ހިދުމަތްތަކާބެހޭ ކޮމިޓީއަށް މައްސަލަ ހުށަހެޅުމުން ފާސްކޮށްފައި ވަނީ ޑޯނިއާ މަތިންދާ ބޯޓުގެ އެއްބަސްވުމުގައިވާ ކަންކަމާއި އިންޑިއާ އާއި ރާއްޖެ އާ ދެމެދު ވެފައިވާ ހައިޑްރޯގްރަފީ އެއްބަސްވުމުގައިވާ ކަންކަމާއި އުތުރު ތިލަފަޅުގެ އެއްބަސްވުމުގެ ޕްރޮސެސް ހިނގާފައިވާ ގޮތް ބެލުމަށެވެ.

އެ މައްސަލަތައް ބަލަން ހަތަރު މެމްބަރުންގެ މައްޗަށް އެކުލެވޭ ސަބް ކޮމިޓީ އެއް އެކުލަވާލި ނަަމަވެސް އެ ކޮމިޓީގެ ބައްދަލުވުންތައް ކުރިއަށް ގޮސްފައެއް ނުވެ އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.