މާލޭ އިމާރާތެއްގެ މަތިން ވެއްޓުނު މީހަކު މަރުވެއްޖެ
މާލޭ އިމާރާތެއްގެ މަތިން ވެއްޓުނު މީހަކު މިއަދު މަރުވެއްޖެ އެވެ.
ފުލުހުންގެ މީޑިއާ އޮފިޝަލް "ދެން އޮންލައިން" ވިދާޅުވީ އެކަމެއް މިއަދު ހަވީރު ހިނގިއިރު މަރުވެފައި ވަނީ އަންހެނެއް ކަމަށެވެ.
އެކަމާއި ގުޅޭ އިތުރު މައުލޫމާތު އަދި މިހާތަނަށް ލިބިފައި ނުވިޔަސް އެ އަންހެން މީހާ މަރުވި ހާދިސާ ތަހުގީގު ކުރަމުންދާ ކަމަށް ދާދި ދެންމެ އެކު 'އެކްސް' ގައި ކުރި ޕޯސްޓެއްގައި ފުލުހުން ބުންޏެވެ.
މަރުވި މީހާގެ ފޮޓޯ އާއި ހާދިސާގެ މަންޒަރު ސޯޝަލް މީޑިއާގައި ހިއްސާނުކުރަން ފުލުހުން ވަނީ އެދިފަ އެވެ.
"މީހާ ނިޔާވުމުން އާއިލާއަށް ލިބިފައިވާ ހިތާމައިގެ މި ދަނޑިވަޅުގައި އާއިލާގެ އިހުސާސްތަކަށް އިހުތިރާމުކޮށް، ނިޔާވި މީހާގެ ފޮޓޯ އާއި ހާދިސާގެ މަންޒަރުތައް މީސްމީޑިއާގެ ވަސީލަތްތަކަުގައި ދައުރު ނުކުރުމަށް މި ހިދުމަތުން އިލްތިމާސްކުރަމެވެ" ފުލުހުން ބުންޏެވެ.
މައުލޫމާތު ލިބިފައިވާ ގޮތުން އެ އަންހެން މީހާ ވެއްޓުނީ މ. ހަސޯވާގެ 9 ވަނަ ފަންގި ފިލާއިންނެވެ. އެ މީހާ ވެއްޓުނީ އެ ވަގުތު އެތަނުގައި އޮތް ޕާކް ކޮށްފައި އޮތް ޕިކަޕެއްގެ މައްޗަށެވެ. އެ ޕިކަޕަށް އެމީހާ އަރުވައިގެން ހޮސްޕިޓަލަށް ގެންދަން ބަޔަކު އުޅޭ މަންޒަރު ސޯޝަލް މީޑީއާގައި ދައުރުވަމުން އަންނަ ވީޑިއޯއަކުން ފެނެ އެވެ.
