އައިޖީއެމްއެޗް ނަރުހަކު ޑްރަގު ބޭނުންކުރި މައްސަލައެއް ފުލުހުން ބަލަނީ

އައިޖީއެމް ހޮސްޕިޓަލުގައި މަަސައްކަތްކުރާ ނަރުހަކު މަސްތުވާތަކެތި ބޭނުންކުރި ކަމަށް ތުހުމަތުވާ މައްސަލައެއް ފުލުހުންގެ އިދާރާއިން ބަލަން ފަށައިފި އެވެ.

ފުލުހުންގެ މީޑިއާ އޮފިޝަލް "ދެން" އަށް މިއަދު ވިދާޅުވީ އެ މައްސަލަ އަކީ އައިޖީއެމްއެޗުން ފުލުސް އޮފީހަށް ހުށަހަޅާފައިވާ މައްސަލަ އެއް ކަމަށެވެ.

އެއީ ތަހުގީގު ކުރަމުންދާ މައްސަލައަކަށްވާތީވެ އިތުރު މައުލޫމާތު ފަހުން ހިއްސާކުރާނެ ކަމަށް ފުލުހުން ބުންޏެވެ. އެހެންވެ އެ މީހާގެ ވަނަވަރެއް ފުލުހުން ހާމައެއް ނުކުރެ އެވެ.

އެ މައްސަލާގައި އަދި މިހާތަނަށް މީހަކު ހައްޔަރުކޮށްފައިނުވާ ކަމަށްވެސް މީޑިއާ އޮފިޝަލް ވިދާޅުވި އެވެ.