ކާޑު ލިމިޓް އަލުން ދޭން ކުރަން ނަޝީދު ދެކޮޅު

ބޭންކް އޮފް މޯލްޑިވްސް އިން ދޫކޮށްފައިވާ ރުފިޔާ ކާޑުތަކުން ބޭރުގެ ޓްރާންސެކްޝަންތައް ނުހެދޭ ގޮތަށް މިއަދު ނިންމި ނިންމުން މުރާޖައާ ކުރުމަކީ ރަނގަޅު ކަމެއް ނޫން ކަމަށް ކުރީގެ ރައީސް, މުޙައްމަދު ނަޝީދު ވިދާޅުވެއްޖެއެވެ.

Ads by STELCO

ބީއެމްއެލުން ދޫކޮށްފައިވާ ކާޑުތަކުން ރާއްޖޭން ބޭރުގެ މުއާމަލާތް ކުރެވޭ ލިމިޓްތަކަށް މިއަދު ވަނީ ބަދަލު ގެނެސްފަ އެވެ. މި ގެނެވުނު ބަދަލުތަކަށް ވަގުތުން ފެށިގެން އަމަލު ކުރުމަށް ހަމަޖެހިފައިވާ ކަމަށް އެ ބޭންކުން މީގެ ކުރިން ބުންޏެވެ. އެގޮތުން ޑެބިޓް ކާޑުތަކުން ރުފިޔާ ބޭނުންކޮށްގެން ބޭރުގެ ޓްރާންސެކްޝަން ނުހެދޭ ގޮތަށާއި, ކްރެޑިޓް ކާޑުން 100 ޑޮލަރު ކެނޑޭ ގޮތަށް ވަނީ ބަދަލުތަކެއް ގެނެސްފައެވެ.

ނަމަވެސް މި ބަދަލުތައް މިއަދު އަލުން މުރާޖައާ ކުރާނެ ކަމަށް މައުލޫމާތު ލިބެއެވެ.

މިކަމާ ގުޅިގެން މިއަދު ރައީސް ނަޝީދު ގެންގުޅުއްވާ ރަސްމީ ނޫން އެކައުންޓަކުން ކުރެއްވި ޓްވީޓެއްގައި ވިދާޅުވީ, ބޭންކްގެ ނިންމުން ބަދަލު ކުރުމަކީ މިހާތަށް ބަލާއިރު އެންމެ ރަނގަޅު ގޮތް ނޫން ކަމަށެވެ.