އަންނަ މަހުގެ ފަސްވަނަ ދުވަސް ސަރުކާރު ބަންދުކުރަން ނިންމައިފި
އަންނަ ސެޕްޓެމްބަރު މަހުގެ ފަސްވަނަ ދުވަހަކީ ސަރުކާރު ބަންދު ދުވަހެއްގެ ގޮތުގައި ކަނޑައަޅައިފި އެވެ.
ރައީސް އޮފީހުން ބުނީ ރައީސް ޑރ. މުހައްމަދު މުއިއްޒު މިގޮތަށް ނިންމެވީ ރާއްޖޭގެ ގައުމީ ދުވަހުގެ މުނާސަބަތާއި ގުޅިގެން ކަމަށެވެ.
ގައުމީ ދުވަހުގެ ގޮތުގައި ރާއްޖޭގައި ފާހަގަކުރަނީ ކޮންމެ ހިޖުރީ އަހަރެއްގެ ރަބީއުލްއައްވަލު މަހުގެ 1 ވަނަ ދުވަހެވެ. މިއަހަރު މި ދުވަސް ދިމާވަނީ ސެޕްޓެމްބަރު މަހުގެ ފަހެއްވާ ބުރާސްފަތި ދުވަހާ އެވެ.
ރާއްޖޭގައި ގައުމީ ދުވަސް ފާހަގަކުރަމުން އަންނަނީ، އައްސުލްތާން ޣާޒީ މުޙައްމަދު ތަކުރުފާނުލް އައުޡަމް ސިރީ ސަވާދީއްތަ މަހާރަދުން، ޕޯޗުގީޒުންގެ އަޅުވެތިކަމުން ދިވެހިރާއްޖެ ސަލާމަތް ކޮށްދެއްވުމުގެ ޒިކުރާ އައުކުރުމުގެ ގޮތުންނެވެ. މިއަހަރު ފާހަގަކުރާނީ 81 ވަނަ ގައުމީ ދުވަހެވެ.
ކޮންމެ އަހަރެއްގެ ގައުމީ ދުވަސް ފާހަގަކުރުމަށް ރައީސުލްޖުމްހޫރިއްޔާ ބައިވެރިވެވަޑައިގަންނަވާ ދިދަ ނެގުމުގެ ރަސްމިއްޔާތެއް ދުވަހުގެ ހެނދުނު ބާއްވަ އެވެ. އަދި އެދުވަހުގެ ރޭގަނޑު ރަސްމީ ޖަލްސާއެއް ބާއްވަ އެވެ.
