ތައްޔިބުގެ ފޯނާއި އިލެކްޓްރޯނިކް ބައެއް ތަކެތި ފުލުހުން ހިފަހައްޓައިފި 

ސޯޝަލް މީޑިއާ އެކްޓިވިސްޓް, ތައްޔިބު ޝަހީމްގެ ފޯނާއި އިލެކްޓްރޯނިކް ބައެއް ތަކެތި ފުލުހުން މިއަދު ހިފަހައްޓައިފި އެވެ.

Ads by STELCO

މީޑިއާތަކަށް ފޮނުވި މެސެޖެއްގައި ފުލުހުން ބުނީ އެތަކެތި ހިފެހެއްޓީ ސައްހަ ނޫން ބަޔާނެއް ފުލުހުންގެ ނަމުގައި ދައުރުކުރަމުންދާ މައްސަލާގެ ތަހުގީގުގެ ބޭނުމަށް ކޯޓު އަމުރެއްގެ ދަށުން ކަމަށެވެ.

ފުލުހުންގެ ބެލުމުގެ ދަށަށް އެތަކެތި ގެންދިޔަ ސަބަބު މިހާތަނަށް އެނގިފައެއް ނުވެ އެވެ.

އެހެންނަމަވެސް މިދިޔަ ހޮނިހިރު ދުވަހު ހެނދުނު "އެކްސް" ގައި ކުރި ޕޯސްޓަކާ ގުޅިގެން ފުލުހުންގެ ތަހުގީގަށް ހާޒިރުވުމަށް އެންގުމުން ހާޒިރުވެ ބަޔާން ދީފައިވާ ކަމަށް ތައްޔިބު ބުނެފައިވެ އެވެ. އެއީ  ސިނަމާލެ ބްރިޖުގައި ސައިކަލު ދުއްވަމުން ވީޑިއޯ ކުރި މައްސަލަ އެވެ.

މީގެ ކުރިންވެސް ތަފާތު މައްސަލަތަކުގައި ތައްޔަބު ހައްޔަރުކޮށްފައިވެ އެވެ.