ކޮންގްރެސް ޕާޓީގެ ދާއިރާތަކުގެ އިންތިހާބު ނޮވެމްބަރަށް ފަސްކޮށްފި
ޕީޕަލްސް ނޭޝަނަލް ކޮންގްރެސް (ކޮންގްރެސް ޕާޓީ) އިން އަންނަ މަހު ބޭއްވުމަށް ތާވަލުކުރި ދާއިރާތަކުގެ އިންތިހާބު ނޮވެމްބަރަށް ފަސްކޮށްފި އެވެ.
ކޮންގްރެސް ޕާޓީގެ އެތެރޭގެ އިންތިހާބު ބާއްވަން ނިންމީ އަންނަ މަހުގެ 19 ވަނަ ދުވަހު އެވެ. އެހެންނަމަވެސް ދާއިރާތަކުގެ އިންތިހާބު ބޭއްވުމަށް މިހާރު ނިންމާފައި ވަނީ އަންނަ ނޮވެމްބަރު މަހުގެ ނުވަ ވަނަ ދުވަހު އެވެ.
ކޮންގްރެސް ޕާޓީން ރޭ ނެރުނު އިއުލާނެއްގައި ބުނީ އިންތިހާބު ބާއްވާ ތާރީހާއި ކުރިމަތިލުމަށް ދެވުނު މުއްދަތު އިތުރުކޮށްފައި ވަނީ މަގާމުތަކަށް ޝައުގުވެރިވާ ގިނަ ފަރާތްތަކަކުން އެކަމަށް އެދެމުން ގެންދާތީ ކަމަށެވެ.
އިންތިހާބުގެ ތާރީހާއި މަގާމުތަކަށް ކުރިމަތިލުމަށް ދެވިފައިވާ ތާރީހުތަކަށް ބަދަލު އައުމާ އެކު، މަގާމުތަކަށް ކުރިމަތިލުމަށް ދިން މުއްދަތު ސެޕްޓެމްބަރު މަހުގެ 30 ވަނަ ދުވަހުން އޮކްޓޫބަރު މަހުގެ 24 ވަނަ ދުވަހުގެ ހަވީރު 6:00 އަށް ވަނީ އިތުރުކޮށްފަ އެވެ.
ކޮންގްރެސް ޕާޓީގެ ދާއިރާތަކުގެ އިންތިހާބުގައި ކުރިމަތިލާން ހުޅުވާލާފައިވާ މަގާމުތަކަކީ:
- ދާއިރާގެ ރައީސް އަދި ނައިބު ރައީސް
- ޒުވާނުންގެ ހަރަކާތުގެ ރަށުގެ ރައީސް އަދި އަންހެނުންގެ ހަރަކާތުގެ ރަށުގެ ރައީސް
- ސްޓިއަރިން ކޮމިޓީގެ މެމްބަރު
ކޮމެންޓް