ބިދޭސީއަކު ގެއްލިގެން ހޯދާތާ މަހަކަށްވުރެ ގިނަ ދުވަސް

ހުޅުމާލެއިން ބިދޭސީއަކު ގެއްލިގެން ހޯދަމުންދާތާ މަހަކަށްވުރެ ގިނަ ދުވަސްވެފައިވާ ކަމަށް ފުލުހުން މިއަދު ބުނެފި އެވެ.

Ads by STELCO

ފުލުހުންގެ ވެބްސައިޓް ޝާއިއުކުރި ހަބަރެއްގައި ބުނީ ގެއްލިގެން ހޯދަމުންދަނީ އިންޑިއާ، އައިޑީ މޮހެމެޑް ސެހް (32އ) ކަމަށެވެ.

މޮހެމެޑް ސެހް ގެއްލިގެން ފުލުހުންނަށް ރިޕޯޓް ކޮށްފައިވަނީ އޮގަސްޓު މަހުގެ 14 ވަނަ ދުވަހުގެ ހަވީރު ކަމަށް ފުލުހުން ބުންޏެވެ.

ފުލުހުން ވަނީ މޮހެމެޑް ސެހްގެ އެއްވެސް މައުލޫމާތެއް އިނގޭނަމަ ހުޅުމާލެ ފޭސް އެކެއްގެ ޕޮލިސް ސްޓޭޝަންގެ ނަންބަރު 9980062 އަށް ނުވަތަ ފުލުހުންގެ ހޮޓްލައިން 3322111 އަށް ގުޅައި ހިއްސާކުރަން އެދިފަ އެވެ.