75 މުވައްޒަފުން މަސައްކަތް ކުރާ ކޮންމެ ތަނެއްގައި ހެލްތު އެންޑް ސޭފްޓީ އޮފިސަރެއް ހުންނަން ޖެހޭ ގޮތަށް އާ ގަވައިދެއް
75 މުވައްޒަފުން މަސައްކަތް ކުރާ ކޮންމެ ތަނެއްގައި ހެލްތު އެންޑް ސޭފްޓީ އޮފިސަރެއް ހުންނަން ޖެހޭ ގޮތަށް އާ ގަވައިދެއް ލޭބާ ރިލޭޝަންސް އޮތޯރިޓީން އެކުލަވާލައިފި އެވެ.
"މަސައްކަތުގެ މާހައުލުގެ ސަލާމަތާއި ސިއްހީ ރައްކާތެރިކަމުގެ ގަވާއިދު"ގެ ނަމުގައި އަލަށް އެކުލަވާލި އެ ގަވައިދުގެ މަގުސަދަކީ ރާއްޖޭގައި މަސައްކަތްތެރިން މަސައްކަތްކުރާ މާހައުލުގެ ސަލާމަތާއ،ި މަސައްކަތްތެރިންގެ ސިއްގީ ރައްކާތެރިކަމާއި މަސައްކަތުގެ މާޙައުލުގައި ހަރަކާތްތެރިވާ އެ ނޫން ވެސް ފަރާތްތަކުގެ ސަލާމަތާއި ސިއްހީ ރައްކައުތެރިކަން ކަށަވަރުކޮށްދިނުމާއި ފިޔަވަޅުއަޅަންޖެހޭ ހާލަތްތަކުގައި އަމަލުކުރާނެ ކަންކަން ބަޔާންކުރުން ކަމަށް ގަވައިދުގައި ބުނެފައި ވެއެވެ.
އެގޮތުން ވަޒީފާދޭ ފަރާތުގެ މުވައްޒަފުންގެ ގޮތުގައި މުުވައްޒަފުންގެ ގޮތުގައި 75 އަކާއި 150 އާ ދެމެދުގެ އަދަދެއްގެ މުވައްޒަފުން މަސައްކަތްކުރާ ތަނެއްގައި ސިއްހަތާއި ރައްކާތެރިކަމުގެ އެއް އޮފިސަރު މަދުވެގެން ހުންނަން ޖެހޭނެ ކަމަށް ގަވައިދުގައި ބުނެފައި ވެއެވެ.
އަދި 151 އާކައި 300 އާ ދެމެދުގެ އަދަދެއްގެ މުވައްޒަފުން މަސައްކަތްކުރާ ތަނެއްގައި ނަމަ އެފަދަ ދެ އޮފިސަރުން ތިބެން ޖެހޭނެ ކަމަށް އާ ގަވައިދުގައި ބުނެފައި ވެއެވެ.
އޭގެ އިތުރުން 301 އާކައި 500 އާ ދެމެދުގެ އަދަދެއްގެ މުވައްޒަފުން މަސައްކަތްކުރާ ތަނެއްގައި ނަމަ އެފަދަ ތިން އޮފިސަރުން ތިބެން ޖެހޭނެ ކަމަށް އާ ގަވައިދުގައި ބުނެފައި ވެއެވެ.
