Monday, 16 November 2026
Advertisement
STO — McCoy (leaderboard)
އިޖުތިމާޢީ

ލައިސަންސް ދޫކުރުމުގެ ހުއްދަ 10 ސެންޓަރަކަށް

ލައިސަންސް ދޫކުރުމުގެ ހުއްދަ 10 ސެންޓަރަކަށް
ލައިސަންސް ދޫކުރުމުގެ ހުއްދަ 10 ސެންޓަރަކަށް ދިނުމަށް ޓްރާންސްޕޯޓް މިނިސްޓްރީން ނިންމައިފި އެވެ. ޓްރާންސްޕޯޓް މިނިސްޓްރީން ބުނީ އެ ނިންމުން ނިންމާފައިވާ ސެންޓަރުތަކުގައި މަސައްކަތްކުރާ މުވައްޒަފުންގެ ގާބިލުކަން އިތުރުކުރުމަށްޓަކައި ހާއްސަ ތަމްރީން ޕްރޮގްރާމްތަކެއް ބާއްވާފައިވާ ކަމަށެވެ. އަދި މިހާރު ލައިސަންސް ދޫކުރަމުންދާ ސެންޓަރުތައް މޮނިޓާކުރުމުގެ މަސައްކަތް ފަށާފައިވާ ކަމަށްވެސް އެ މިނިސްޓްރީން ބުންޏެވެ. އެ މިނިސްޓްރީން ބުނީ މި މަސައްކަތުގެ މަގްސަދަކީ ލައިސަންސް ދޫކުރުމުގައި ގެންގުޅޭ މިންގަނޑުތައް ހިފެހެއްޓުމާއި، ހިދުމަތުގެ ފެންވަރު ރަނގަޅުކުރުން ކަމަށެވެ. އަދި އެއީ އަތޮޅުތަކުގެ ރައްޔިތުންނަށް ލައިސަންސް ހޯދުމުގައި ދިމާވާ ދަތިތައް ހައްލުކުރުމަށްޓަކައި ނިންމަވާފައިވާ ނިންމުމެއް ކަމަށްވެސް އެ މިނިސްޓްރީން ފާހަގަކުރި އެވެ. ދައުލަތުގެ މީޑިއާ "ޕީއެސްއެމް" އަށް މައުލޫމާތު ދެމުން އެ މިނިސްޓްރީން ބުނީ އަލަށް ހުއްދަ ދިން ސެންޓަރުތަކާ އެކު ޖުމުލަ 39 ސެންޓަރަކަށް ލައިސަންސް ދޫކުރުމުގެ ހުއްދަ ދޫކޮށްފައިވާ ކަމަށެވެ. އަދި އިތުރު ސެންޓަރުތަކުންވެސް ލައިސަންސް ދޫކުރުމުގެ ހުއްދައަށް އެދުމުން އޮންނަ އުސޫލްގެ ދަށުން ލައިސަންސް ދޫކުރުމުގެ ހުއްދަ ދެމުން ގެންދާނެކަމަށްވެސް އެ މިނިސްޓްރީން ބުންޏެވެ. ލައިސަންސް ދޫކުރުމަށް އަލަށް ހުއްދަ ދިން 10 ސެންޓަރު:
  • ހއ. މޮޅަދޫ ކައުންސިލް
  • ހއ. އިހަވަންދޫ ކައުންސިލް
  • ހއ. ކެލާ ކައުންސިލް
  • ބ. ކެންދޫ ކައުންސިލް
  • ވ. އަތޮޅު ކައުންސިލް
  • ރ. ހުޅުދުއްފާރު ކައުންސިލް
  • ތ. ވިލުފުށީ ކައުންސިލް
  • ފ. ދަރަނބޫދޫ ކައުންސިލް
  • މ. ދިއްގަރު ކައުންސިލް
  • ގދ. ގައްދޫ ކައުންސިލް
އެ މިނިސްޓްރީން ބުނީ އެ ފިޔަވަޅުތަކަކީ ރާއްޖޭގެ މަގުތަކުގެ ރައްކާތެރިކަން އިތުރުކުރުމަށާއި، ލައިސަންސް ދޫކުރުމުގެ ނިޒާމަށް ރައްޔިތުންގެ އިތުބާރު އިތުރުކުރުމަށް އެޅޭ މުހިންމު ފިޔަވަޅެއް ކަމަށެވެ. އާ ފިޔަވަޅުތަކުގެ ސަބަބުން ރާއްޖޭގައި ލައިސަންސް ދޫކުރުމުގެ ނިޒާމު އިތުރަށް ހަރުދަނާވެ، ރައްޔިތުންނަށް ލުއިފަސޭހަ ވެގެންދާނެ ކަމަށްވެސް އެ މިނިސްޓްރީން ބުންޏެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.