ނޮވެމްބަރު 10 އަކީ ބަންދު ދުވަހެއް ކަމަށް ކަނޑައަޅައިފި
އަންނަ ނޮވެމްބަރު މަހުގެ 10 ވާ އާދިއްތަ ދުވަހަކީ ސަރުކާރު ބަންދު ދުވަހެއްގެ ގޮތުގައި ކަނޑައަޅައިފި އެވެ.
ރައީސް އޮފީހުން މިއަދު ނެރުނު ސާކިއުލާއެއް ގައި ބުނީ، އެގޮތަށް ހަމަޖެއްސީ ނޮވެމްބަރު 11 ވަނަ ދުވަހަކީ ޖުމްހޫރީ ދުވަހަށް ކަމަށް ވާތީ ކަމަށެވެ.
އަދި އާދިއްތަ ދުވަހަކީ ރަސްމީ ދުވަހެއް ކަމަށްވާތީ ބަންދު ދުވަސްތައް މެނދުކެޑުމެއްނައިސް މުވައްޒަފުންނަށް ޗުއްޓީ ލިބޭ ގޮތް ހަމަޖައްސައި ދެއްވުމަށްޓަކައި ރައީސް ޑރ މުހައްމަދު މުއިއްޒު އަންގަވާފައިވާ ކަމަށް ރައީސް އޮފީހުން ބުންޏެވެ.
މީގެ ކުރިންވެސް ރަސްމީ ބަންދު ދުވަސްތަކާ ގުޅިގެން އަންނަ ރަސްމީ ދުވަސްތައް މިފަދައިން ބަންދުކުރަން ސަރުކާރުން އިއުލާނުކުރެ އެވެ.
ޖުމްހޫރީ ދުވަހަކީ ރަސްކަމަކުން ޖުމްހޫރީ ވެރިކަމަކަށް ބަދަލުވުން ފާހަގަކުރާ ދުވަހެވެ. ރައީސް އަބްދުالله ޔާމީނާއި ރައީސް އިބްރާހިމް މުހައްމަދު ސޯލިހު އަދި މިހާރުގެ ރައީސް ޑރ. މުހައްމަދު މުއިއްޒު ފިޔަވާ ކޮންމެ ވެރިއަކުވެސް ހުވާކުރަނީ ޖުމްހޫރީ ދުވަހު އެވެ. އެހެންނަމަވެސް އެ ތިން ރައީސުން ހުވާކުރެއްވީ ނޮވެންބަރު 17 ވަނަ ދުވަހެވެ.
ރަސްކަމަކުން ޖުމްހޫރީ ވެރިކަމަކަށް ބަދަލުވީ 1968 ގަ އެވެ. މި އަހަރު ފާހަގަކުރަނީ 56 ވަނަ ޖުމްހޫރީ ދުވަހެވެ.
