ޑްރަގާއެކު ހައްޔަރުކުރި ބިދޭސީ އަންހެން މީހާ ބުނީ އޭނާގެ އެއްފަޅި ޕެރަލިއިޒްވެފައިވާ ކަމަށް!
ރާއްޖެއަށް މަސްތުވާތަކެތި އެތެރެކުރަން އުޅެނިކޮށް ވެލާނާ އިންޓަނޭޝަނަލް އެއާޕޯޓުން ހައްޔަރުކުރި ބިދޭސީ އަކު، އޭނާގެ އެއްފަޅި ޕެރެލައިޒް ވެފައިވާ ކަމަށް ކޯޓުގައި ބުނެފި އެވެ.
މި މަހުގެ 5 ވަނަ ދުވަހު ރާއްޖެއަށް މަސްތުވާތަކެތި އެތެރެކުރަން އުޅެނިކޮށް އެއާޕޯޓުން ހައްޔަރުކުރީ ބްރެޒިލްގެ، އެސްޓަ ރަމިނެއްލި އޮލިވެއިރާ (33އ) އެވެ.
އޭނާގެ ބަންދަށް ފުރަތަމަ ޖެހީ 15 ދުވަހެވެ. އެ މުއްދަތު ހަމަވުމުން ބަންދާމެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން އިތުރު 30 ދުވަހަށް ބަންދުކުރަން ހަމުރުކޮށްފައިވެ އެވެ.
ކްރިމިނަލް ކޯޓުން އިއްޔެ ނެރުނު ކޯޓު އަމުރުގައި ބުނީ އެ މީހާގެ މައްޗަށް ތުހުމަތުކޮށްފައިވާ ކުށް އޭނާ ކުރިކަމަށް ތުހުމަތުކުރެވޭ މިންވަރުގެ ހެކި ގަރީނާ ހުށަހަޅާފައިވާ ކަމަށާއި އޭގެ ތެރޭގައި ސީނަށް ދިޔަ ފުލުހުންގެ ބަޔާނާއި ސީން އޮފް ކްރައިމް އޮފިސަސް ރިޕޯޓް ހުށަހަޅާފައިވާ ކަމަށެވެ.
ކޯޓު އަމުރުގައި ބުނެފައިވަނީ އެ މީހާ ރާއްޖެއައިއިރު ގެނައި ދަބަހުގައި ކޮންސީލްކޮށްފައިވާ 4 ކިލޯގެ މަސްތުވާތަކެތި ފެނިފައިވާ ކަމަށެވެ. އަދި އޭނާއަށް އެ ދަބަހާ ގުޅޭ އިތުރު މައުލޫމާތު ނޭނގޭތީ, ކޮންޓްރޯލް ޑެލިވަރީ ޖައްސަން އެއްބާރުލުން ނުދެވުނީ ކަމަށް ބުނެފައިވާ ކަމަށް އަމުރުގައި ފާހަގަކޮށްފައިވެ އެވެ.
"މީނާ ބަލިވެ އިންކަން މިހާރު އެނގިފައިވާ ކަމަށާއި އިތުރަށް އެއްފަޅި ޕެރަލައިޒްވެފައިވާ ކަމަށް ބުނާތީ, އެކަންކަން ގާތުން ބެލުމަށް އައިއޯއަށް ދަންނަވާފައިވާނެ"
ހައްޔަރުކުރި ދުވަހު އޭނާގެ ބޭސް ފަރުވާއާ ގުޅިގެން ފޯނުން ހިއްސާކުރި ލިޔެކިޔުން ބަންދު މަރުކަޒާ ފުރަތަމަ ދުވަހުވެސް ހަވާލުކޮށްފައިވާނެ ކަމަށް އައިއޯ ބުނެފައިވެ އެވެ.
އޭނާ ބަންދުގައި ހުރިކަން އެމްބަސީއަށް ލިޔުމުން އަންގާފައިވާނެ ކަމަށާއި ނަމަވެސް ދިން ފޯނުކޯލުގެ ފުރުސަތުގައި މަންމަގެ ނަންބަރަށާއި އެމްބަސީއަށް ގުޅުމުން ޖަވާބުދީފައި ނުވާ ކަމަށްވެސް އައިއޯ ބުނެފައިވެ އެވެ.
Ads by STO
