އައްޑޫ ވަކި މަންޒިލެއްގެ ގޮތުގައި އާ ބްރޭންޑްއެއްގެ ދަށުން އިޝްތިހާރުކުރަނީ
އައްޑޫ ސިޓީ ވަކި މަންޒިލެއްގެ ގޮތުގައި އާ ބްރޭންޑްއެއްގެ ދަށުން އިޝްތިހާރުކުރަން ފަށައިފި އެވެ.
ކެނެރީފް ރިސޯޓުގައި ބޭއްވި ހާއްސަ ރަސްމިއްޔާތުގައި ވަނީ އެ ބްރޭންޑް އިފްތިތާހު ކޮށްފަ އެވެ.
އާ ބްރޭންޑްއެއްގެ ގޮތުގައި ކަނޑައަޅާފައި ވަނީ "އައްޑޫ؛ ބިޔޯންޑް ދަ އީކުއޭޓާ" އެވެ.
މިއީ އައްޑޫ ކައުންސިލްގެ ދަށުން އުފެއްދި "އައްޑޫ ޑެސްޓިނޭޝަން މެނޭޖްމަންޓް އޮފީސް" ގެ ދަށުން އިފްތިތާހުކުރި ބްރޭންޑްއެކެވެ. އަދި މީގެ މަގުސަދަކީ އައްޑޫއަކީ ރާއްޖޭގެ ފަތުރުވެރިކަމުގައި ހާއްސަ ކަންތައްތަކެއް ލިބިފައިވާ ޕްރީމިއަމް މަންޒިލެއްގެ ގޮތުގައި ރާއްޖެ އިޝްތިހާރުކުރުމެވެ.
އައްޑޫގެ ގުދުރަތީ ރީތިކަމާއި ހިމާޔަތް ކުރެވިފައިވާ ސަރަޙައްދުތަކުގެ ހިއްގައިމުކަން އަދި ސަގާފީ މުއްސަނދިކަން ދައްކުވައިގެން ފަރުމާ ކުރެވިފައިވާ މި ބްރޭންޑް ގެ ކުލަތަކުގެ އެލެމެންޓްސް ގެނެވިފައިވަނީ އައްޑޫގެ ކަނޑާއި، ގުދުރަތީ މާހައުލު އަދި ދިރުންތައް ހިމަނައިގެންނެވެ.
ބިޔޯންޑް ދަ އީކުއޭޓާ ބްރޭންޑް ނަމެއްގެ ގޮތުގައި ކަނޑައަޅީ އައްޑޫ އަކީ ދުނިޔޭގެ ޗާޓުގެ އީކުއޭޓާގައި އޮންނަ މަދު ސަރަަހްދުތަކުގެ ތެރޭގައި ހިމެނޭތީ ކަަމަށް އެ ބްރޭންޑްގެ ކޮންސެޕްޓް އެކުލަވާލި އެންރީކާ ސްޓޫޑިއޯއިން ބުނެފައިވެ އެވެ.
އައްޑޫ ސިޓީ ކައުންސިލުން މި ބްރޭންޑް އިފްތިތާހު ކުރުމުގެ މައިގަނޑު މަގުސަދުގެ ތެރެއިން ދެމެހެއްޓެނިވި ފަތުރުވެރިކަމެއް އައްޑޫގައި ގާއިމުކުރުން ހިމެނެއެވެ. އަދި ބްރޭންޑް ލޯންޗް ކުރުމާއި، ބްރޭންޑް ލޯންޗް ކުރުމުގެ ވީޑިއޯ ގެ އިތުރުން އައްޑޫ ފަތުރުވެރިކަމާއި ބެހޭ ކޮމެޓީގެ މުގައްރިރު ފަރުމާކޮށް ތައްޔާރު ކުރެވިފައިވާ އައްޑޫ ފަތުރުވެރިކަމުގެ ދާއިރާއަށް ހާއްސަ ކުރެވިގެން ތައްޔާރު ކުރެވިފައިވާ ވެބްސައިޓް މި ރަސްމިއްޔާތުގައި ލޯންޗް ކުރެވިގެން ދިޔައެވެ.
އައްޑޫ ސިޓީ ކައުންސިލުން މި ބްރޭންޑް އިފްތިތާހު ކުރުމުގެ މައިގަނޑު މަގުސަދުގެ ތެރެއިން ދެމެހެއްޓެނިވި ފަތުރުވެރިކަމެއް އައްޑޫގައި ގާއިމްކުރުން ހިމެނެއެވެ. އަދި ބްރޭންޑް ލޯންޗް ކުރުމާއި، ބްރޭންޑް ލޯންޗް ކުރުމުގެ ވީޑިއޯ ގެ އިތުރުން އައްޑޫ ފަތުރުވެރިކަމާއި ބެހޭ ކޮމެޓީގެ މުގައްރިރު ފަރުމާކޮށް ތައްޔާރު ކުރެވިފައިވާ އައްޑޫ ފަތުރުވެރިކަމުގެ ދާއިރާއަށް ހާއްސަ ކުރެވިގެން ތައްޔާރު ކުރެވިފައިވާ ވެބްސައިޓް މި ރަސްމިއްޔާތުގައި ލޯންޗް ކުރެވިގެން ދިޔައެވެ.
މި އިވެންޓް ބޭއްވުމުގެ މައިގަނޑު މަގުސަދަކީ، އައްޑޫގެ ޓޫރިޒަމް ރާއްޖެ އިން ރާއްޖެ އިން ބޭރުގައި ޕްރޮމޯޓްކޮށް، އެ ދާއިރާ އައްޑޫގައި ފުޅާކޮށް، ކުރިއެރުވުމެވެ. "އައްޑޫ ބިޔޯންޑް ދި އީކްއޭޓާ" ގެ ނަމުގައި ފަރުމާ ކުރެވިގެން ތައްޔާރު ކުރެވިފައިވާ މި ޓެގްލައިން ލޯންޗް ލޯންޗްކުރީ އެކަމަށްޓަކައި ކެނަރީފް ރިސޯޓްގައި ބޭއްވި ކުލަގަދަ ހަފުލާއެއްގަ އެވެ.
އެ ބްރޭންޑް އިފްތިތާހުުކުރުމަށް ބޭއްވި ރަސްމިއްޔާތުގައި ޓޫރިޒަމް މިނިސްޓަރު އިބްރާހިމް ފައިސަލްއާއި އައްޑޫގެ މޭޔަރު އަލީ ނިޒާރުވެސް ބައިވެރިވެލެއްވި އެވެ.
އެ ބްރޭންޑް އިފްތިތާހުކުރުމަށް ބޭއްވި ރަސްމިއްޔާތުގައި އައްޑޫގެ މޭޔަރު އަލީ ނިޒާރު ވިދާޅުވީ އަމާޒަކީ ރާއްޖެއަށް އަންނަ ކޮންމެ ފަތުރުވެރިއެއްގެ "ބަކެޓް ލިސްޓް" ގައި ހިމެނޭ ތަނަކަށް އައްޑޫ ހެދުން ކަމަށެވެ.
Ads by STO
