Sunday, 22 November 2026
Advertisement
Allied Insurance (leaderboard)
ޚަބަރު

ގައިދީންގެ މެދުގައި ދީނީ ހޭލުންތެރިކަން އިތުރުކުރުވަން 210 ޕްރޮގްރާމެއް ކުރިއަށް ގެންގޮސްފި

ގައިދީންގެ މެދުގައި ދީނީ ހޭލުންތެރިކަން އިތުރުކުރުވަން 210 ޕްރޮގްރާމެއް ކުރިއަށް ގެންގޮސްފި

ގައިދީންގެ މެދުގައި ދީނީ ހޭލުންތެރިކަން އިތުރުކޮށް، ދީނީ ސައްހަ މައުލޫމާތު ދިނުމަށް އިސްލާމިިކް މިނިސްޓްރީން ގިނަ އަދަދެއްގެ ޕްރޮގްރާމްތަކެއް ކުރިއަށް ގެންގޮސްފި އެވެ.

އެގޮތުން މިއަހަރު މިހާތަނަށް 210 ޕްރޮގުރާމެއް ކުރިއަށް ގެންގޮސްފައިވާ ކަމަށް އިސްލާމިކް މިނިސްޓްރީން މިއަދު ވަނީ ހާމަކޮށްފަ އެވެ.

އިސްލާމިކް މިނިސްޓްރީގެ ދީނީ ދައުވާ ސެކްޝަންގެ ފަރާތުން ކުރިއަށް ގެންދިޔަ އެ ޕްރޮގްރާމް ކުރިއަށް ގެންދިޔައީ ކ. މާފުށި ޖަލާއި، ހުޅުމާލެ ޖަލުގެ އިތުރުން ކ. ހިންމަފުށި ޑްރަގް ޓްރީޓްމަންޓް އެންޑް ރިހެބިލިޓޭޝަން ސެންޓަރުގަ އެވެ.

Advertisement
HDC — Sidebar (box)

އެގޮތުން މާފުށީ ޖަލުގައި 63 ޕްރޮގުރާމް ކުރިއަށް ގެންގޮސްފައިވާއިރު، ކ. ހިންމަފުށި ޖަލުގައި 76 ޕްރޮގުރާމް އަދި ހިންމަފުށި ޑްރަގް ރިހޭބިލިޓޭޝަން ސެންޓަރުގައި 31 ޕްރޮގުރާމް ވަނީ ކުރިއަށް ގެންގޮސްފަ އެވެ. މީގެ އިތުރުން ހުޅުމާލެ ޖަލުގައި ވަނީ 40 ޕްރޮގުރާމް ކުރިއަށް ގެންގޮސްފަ އެވެ.

ދިވެހިންގެ މެދުގައި ދީނީ ހޭލުންތެރިކަން އިތުރު ކުރުމަށް އިސްލާމީ ކަންތައްތަކާ ބެހޭ ވުޒާރާއިން އަންނަނީ ގިނަ މަސައްކަތްތަކެއް ކުރަމުންނެވެ.

އެގޮތުން 'ރިސާލަތު' ނަމުގައި ދީނީ ދައުވަތުގެ އެކްޝަން ޕްލޭންއެއް ތައްޔާރުކޮށް ދައުވަތުގެ މަސައްކަތްތައް ރޭވުންތެރިކަމާއެކު ކުރިއަށް ގެންދާކަން ފާހަގަކޮށްލެވެ އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.