އެފްރިކާގެ ކޮންފަރެންސްއެއްގައި ބައިވެރިވެވަަޑައިގަތުމަށް ރައީސްގެ އަނބިކަނބަލުން ޓެންޒޭނިއާގައި
އެފްރިކާގެ ކޮންފަރެންސްއެއްގައި ބައިވެރިވެވަަޑައިގަތުމަށް ރައީސްގެ އަނބިކަނބަލުން ސާޖިދާ މުހައްމަދު ޓެންޒޭނިއާއަށް މިއަދު ވަޑައިގެންފި އެވެ.
އެކަމަަނާ ބައިވެރިވެވަޑައިގަންނަވަނީ މެކް ފައުންޑޭޝަން އެފްރިކާ އޭޝިއާ ލޫމިނަރީގެ 11 ވަނަ އަހަރީ ކޮންފަރެންސްގެ ޝަރަފުވެރި މެހުމާންގެ ހައިސިއްޔަތުން ނެވެ.
ޓެންޒޭނިއާއަށް ވަޑައިގަތުމުން އެ ގައުމުގެ ޖޫލިޔަސް ނަޔަރިއަރ ބައިނަލްއަހުވާމީ ވައިގެބަނދަރުން އެކަމަނާއަށް މަރުޙަބާވިދާޅުވީ، ޓެންޒޭނިޔާގެ ޖެންޑާ މިނިސްޓަރު ރިޒީކީ ޖޫމާ އެވެ.
އެކަމަނާގެ އެ ދަތުރުފުޅުގައި މަތީފަންތީގެ ޕެނަލްގައި ކީނޯޓް ތަގުރީރެއް ދެއްވައި މެރކް ފައުންޑޭޝަން ފަސްޓް ލޭޑީސް އިނީޝިއެޓިވް ކޮމިޓީ ބައްދަލުވުމުގައި ވާހަކުފުޅުދެއްކެވުމަށްވެސް ހަމަޖެހިފައިވާ ކަމަށް ރައީސް އޮފީހުން ބުންޏެވެ.
މެކް ފައުންޑޭޝަން އެފްރިކާ އޭޝިއާ ލޫމިނަރީ އަކީ، ސިއްހީ ދާއިރާގެ ފަންނީ ތަޖުރިބާކާރުންނާއި، ސިޔާސަތު ކަނޑައަޅާ މީހުންނާއި، ދާރިސުން އެއްތަނަކުން ބައްދަލުވެ، އަންހެނުން ބާރުވެރިކުރުވުމާއި، ބަލިތައް މެނޭޖުކުރުމާއި، އެފްރިކާ އާއި އޭޝިޔާގައި ފެންވަރު ރަނގަޅު ސިއްހީ ހިދުމަތްތައް އަތްފޯރާފަށަށް ގެނައުމުގެ މަސައްކަތް ފުޅާކުރުން ފަދަ މައުލޫތަތަކަށް މަޝްވަރާކުރާ އަހަރީ ކޮންފަރެންސެކެވެ.
