އެމްއެމްސީގެ ރައީސް ޕީއެސްއެމްގެ ވަޒީފާއިން ވަކިކޮށްފި
މޯލްޑިވްސް މީޑިއާ ކައުންސިލްގެ ރައީސް އަހުމަދު މުސްތަފާ، ދައުލަތުގެ މީޑިއާ ޕީއެސްއެމްގެ ވަޒީފާއިން ވަކިކޮށްފި އެވެ.
"ދެން"އަށް އެނގިފައިވާ ގޮތުގައި މުސްތަފާ ވަކިކޮށްފައިވަނީ މިއަދު އެވެ.
ޕީއެސްއެމްއިން މުސްތަފާ ވަކިކުރިއިރު އޭނާ ހުންނެވީ އެ މީޑިއާގެ ނިއުސް އޮފަރޭޝަންގެ މަގާމުގަ އެވެ.
މުސްތަފާ މަގާމުން ވަކިކުރި އިރު މޯލްޑިވްސް މީޑިއާ ކައުންސިލްއިން ރޭ ބޭއްވި ނޫސްވެރިކަމިގެ އިނާމު ދިނުމުގެ ހަފްލާގައި ރައީސް ޑރ. މުހައްމަދު މުއިއްޒުގެ އާއިލާއާ ގުޅޭ ގޮތުން އަދަދު ނޫހުން ތައްޔާރުކުރި "ސްކީލާން" ޑޮކިއުމަންޓްރީގެ ކްލިޕެއް ދެއްކި މައްސަލަ ވަނީ ހޫނުވެފަ އެވެ.
ޕީއެސްއެމްއިން މިރޭ އެކަމާ ގުޅިގެން ނެރުނު ބަޔާނުގައި ބުނީ "ސްކީލާން" ޑޮކިއުމަންޓްރީގެ ވީޑިއޯ ކްލިޕްއަކީ ޕީއެސްއެމްގެ އެޑިޓޯރިއަލް ކޮންޓެންޓާ ހިލާފު އަދި ނޫސްވެރިކަމުގެ އާންމު މިންގަނޑުތަކާ ހިލާފު ވީޑިއޯއެއް ކަމަށެވެ. އަދި ރޭ މީޑިއާ ކައުންސިލްއިން އެ ވީޑިއޯ ދެއްކީ ގަސްދުގައި ދުރާލާ ރާވައިގެން އެޑިޓޯރިއަލް އުސޫލާ ހިލާފު ކޮންޓެންޓް ގެނެސްދިނުމަށް ކަމަށެވެ.
އެހެންވެ އެކަން ހަރުކަށި އިބާރާތުން ޕީއެސްއެމްއިން ވަނީ ކުށްވެރިކޮށްފަ އެވެ. އަދި އެ މައްސަލަ ރައްޔިތުންގެ މަޖިލީހަށް ވެސް ވަނީ ހުށަހަޅައިފަ އެވެ.
ބައެއްނޫސްތަކުންބުނާގޮތަށް، ތިކަންތައްވެނިމުނީތި، ދޮންއަމާގެ އެވޯޑާގުޅިގެން ތިޚަލަލެއް އަންނާނެކަމަށް ބއެއްނޫސްތަކުން ލަފާކޮށްފާވޭ.