ދުންފަތުގެ ބާވަތްތައް ބޮންޑުނުކުރެވޭ ގޮތަށް ގަވައިދު އިސްލާހުކޮށްފި
ދުންފަތުގެ ބާވަތްތައް ބޮންޑުނުކުރެވޭ ގޮތަށް ކަސްޓަމްސް ގަވައިދަށް އިސްލާހު ގެނެސްފި އެވެ.
ކަސްޓަމްސްއިން އިއްޔެ ސަރުކާރުގެ ގެޒެޓުގައި ޝާއިއިކުރި އާ ގަވައިދުގައި ބުނީ ރާއްޖެއަށް އެތެރެކުރުމާއި އަދި ރާއްޖެއިން ބޭރުކުރުން ހުއްދަ ކޮންމެ އެއްޗެއް ބެހެއްޓުމަށް ވެސް ބޮންޑެޑް ވެއަރހައުސްއެއް ރަޖިސްޓަރީ ކުރެވިދާނެ ކަމަށެވެ.
އެހެން ނަމަވެސް އެ ބޮންޑެޑް ވެއާ ހައުސްތަކުގައި ދުންފަތާއ،ި ދުންފަތުން ތައްޔާރުކޮށްފައި ހުންނަ ބާވަތްތަކާއ،ި ދުންފަތް އެކުލެވޭ ތަކެއްޗާއ،ި ދުންފަތުގެ ބަދަލުގައި ބޭނުންކުރާ ބާވަތްތައް ނުބެހެއްޓޭނެ ކަމަށް ބުނެފައި ވެއެވެ.
އޭގެ އިތުރުން އިލެކްޓްރޯނިކް ސިނގިރޭޓާއ،ި ވޭޕްކުރުމަށް ބޭނުންކުރާ އާލާތްތަކާއި އެއާއެކު ބޭނުންކުރުމަށް ތައްޔާރުކޮށްފައިވާ އުފެއްދުންތަކާއި ނިކޮޓިން ނުވަތަ ނިކޮޓިން ފަދަ އެހެނިހެން ކެމިކަލް އެކުލެވޭ އެރޯސޮލް
ބޭރުކޮށްދޭ ޓޮބޭކޯ ސްޓިކް ނުވަތަ އެ ނޫން ވެސް ދުންފަތުގެ އުފެއްދުންތައް ވެސް އެ ބޮންޑެޑްވެއާ ހައުސްތަކުގައި ނުބެހެއްޓޭނެ ކަމަށް ބުނެފައި ވެއެވެ.
އެ ގަވައިދަށް އަމަލުކުރަން ފަށާފައިވަނީ އިއްޔެއިން ފެށިގެން ނެވެ.
ދުންފަތުގެ ބާވަތްޔައް ބޮންޑުނުކުރެވޭ ގޮތް ހެދިއިރު މިއަދުން ފެށިގެން ދުންފަތުގެ ބާވަތްތަކުން ނަގާ ޓެކްސްވެސް ވަނީ ބޮޑުކޮށްފަ އެވެ.
އެގޮތުން ދުންފަތުގެ ބާވަތްތަކުން ނަގަމުން އައި ޓެކްސް މިއަދުން ފެށިގެން ވަނީ 50 ޕަސެންޓް ބޮޑުކޮށްފަ އެވެ. އެއާއެކު މިހާރު ކޮންމެ ސިނގިރެޓެއް ނުވަތަ ބިޑިއަކުން އަށް ރުފިޔާ ޑިއުޓީގެ ގޮތުގައި ވަނީ ނަގަންފަށއިފަ އެވެ.
