ކޮމަންވެލްތް ޕާލަމެންޓަރީ ކޮންފަރެންސަށް މަޖިލީހުގެ ނައިބު ރައީސް އޮސްޓްރޭލިއާއަށް
67 ކޮމަންވެލްތް ޕާލަމެންޓަރީ ކޮންފަރެންސަށް މަޖިލީހުގެ ނައިބު ރައީސް, އަހުމަދު ނާޒިމް އޮސްޓްރޭލިއާއަށް ފުރަވަޑައިގެންފި އެވެ.
ނާޒިމް އޮސްޓްރޭލިއާގެ ސިޑްނީއަށް ފުރާވަޑައިގެންނެވިކަން ހާމަކޮށްފައިވަނީ މަޖިލީހުގެ އިދާރާއިން ރޭ "އެކްސް" ގައި ކުރި ޕޯސްޓެއްގަ އެވެ.
"ދެން" އަށް މައުލޫމާތު ދެމުން މަޖިލީހުގެ މީޑިއާ އޮފިޝަލް ވިދާޅުވީ ނާޒިމްގެ އަރިހުގައި ރައްޔިތުންގެ މަޖިލީހުގެ މެންބަރުގެ ތެރެއިން ވަޑައިގެންނެވީ މަހިބަދޫ ދާއިރާގެ މެންބަރު އަހުމަދު ތޯރިގާއި ނިލަންދޫ ދާއިރާގެ މެންބަރު ފާތިމަތު ސައުދާ އަދި ހޮޅުދޫ ދާއިރާގެ މެންބަރު އަބްދުއްސައްތާރު މުހައްމަދު ކަމަށެވެ.
އޭގެ އިތުރުން މަޖިލީހުގެ އަމީން އާންމު ފާތިމަތު ނިއުޝާ އަދި މަޖިލީހުގެ ފޮރިން ރިލޭޝަންސްގެ ޑިރެކްޓަރު ޒުއްޔިނާ ބަދުރީ ވެސް ވަޑައިގެންނެވި ކަމަށެވެ.
މި މަހުގެ 3 އިން 8 އަށް ކުރިއަށްދާ އެ ކޮންފަރެންސް ނިންމާލެއްވުމަށްފަހު މަޖިލީހުގެ ވަފްދު ރާއްޖެ ވަޑައިގަންނަވާނީ މި މަހުގެ 9 ވަނަ ދުވަހު ކަމަށް މަޖިލީހުގެ އިދާރާއިން މައުލޫމާތުދެ އެވެ.
މި ކޮންފަރެންސްއަކީ ކޮމަންވެލްތް ޕާލިަމެންޓަރީ އެސޯސިއޭޝަން (ސީޕީއޭ) ގެ އަހަރީ ކޮންފަރެންސް އެވެ.
Ads by STO
