ޝަމީމްގެ "ކަލަކުވޭ ބިރެވެތިވޭ" ދަރުސް މިރޭ
ޑރ. އާދަމް ޝަމީމް ދެއްވާ ހާއްސަ ދަރުސް، "ކަލަކުވޭ ބިރުވެތިވޭ" މިރޭ ފަށަން ހަމަޖެހިފައިވާ ކަމަށް ޝަމީމް ވިދާޅުވެއްޖެ އެވެ.
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަދި އިސްލާމިކް އެފެއާޒް މިނިސްޓްރީ އާއި ގުޅިގެން އަލްއަސްރުގެ ފަރާތުން އިންތިޒާމްކޮށްގެން ބާއްވާ "ކަލަކުވޭ ބިރުވެތިވޭ" ދަރުސް ފެށުމަށް ހަމަޖެހިފައިވަނީ މިރޭ 8:45 ގައި ހުޅުމާލެ ރުށްގަނޑު 2 ގައެވެ.
ދަރުސްގައި ވާހަކަ ދައްކަވާނީ އިލްމީ ގޮތުން ފުންނާބު އުސް އަދި ވަރަށް ގިނަ ބަޔެއްގެ މަގުބޫލުކަން ހޯދާފައިވާ އިލްމުވެރިއެއް ކަމުގައިވާ ޑރ. އާދަމް ޝަމީމެވެ.
ދަރުސް ކުރިއަށް ގެންދަން އަލްއަސްރުން ތައްޔާރުވެފައިވާއިރު، މި ދަރުސް ޓީވީއެމް އާއި ދާރިސް ޓީވީ އަދި އަލްއަސްރުގެ ފޭސްބުކް ޕޭޖް މެދުވެރިކޮށް ލައިވް ކުރުމަށް ވަނީ ހަމަޖެހިފަ އެވެ.
ހާއްސަ ކަމެއްގެ ގޮތުގައި ދަރުހަށް ހާޒިރުވެ ދަރުސް ނިމެންދެން މަޑުކުރާ ފަރާތްތަކުގެ މެދުގައި ނެގޭ ގުރުއަތުން ހޮވޭ ފަރާތަކަށް އައިފޯން 16 ޕްރޯ މެކްސްއެއް ހަދިޔާ ކުރުމަށް ވަނީ ހަމަޖެހިފަ އެވެ. މި ގުރުއަތުގައި ބައިވެރިވުމަށް ޝަރުތު ހަމަވާނީ ދަރުހަށް ހާޒިރުވެ ރަޖިސްޓްރީކުރާ ފަރާތްތަކެވެ. އެހެންކަމުން ވީހާވެސް ގިނަ ފަރާތްތަކުން ދަރުހަށް އައުމަށް އަލް-އަސްރުން ދައުވަތުދެ އެވެ.
