ޒިއޯންމޮބައިލްސް ގެ ފިހާރައަކުން ވައްކަންކޮށްފި

މަޖީދީމަގު ހުންނަ ޒިއޯންމޮބައިލްސް 4 ފިހާރައިގެ ބިއްލޫރިގަނޑު ތަޅާލައި ވައްކަން ކޮށްފި އެވެ.

Ads by STELCO

ފުލުހުން މީޑިއާތަކަށް މިއަދު ފޮނުވި މެސެޖެއްގައި ބުނީ އެ ފިހާރައިން ވައްކަންކޮށްފައިވާ މައްސަލަ މިއަދު 5:35 ހާއިރު ފުލުހަށް ރިޕޯޓް ކޮށްފައިވާ ކަމަށެވެ.

އެ މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައިނުވާ ކަމަށްވެސް ފުލުހުން ބުންނެވެ.

ސޯޝަލް މީޑިއާގައި ދައުރުވަމުންދާ ވީޑިއޯއިން ފެންނަނީ އެކަކު ފިހާރަ ބިއްލޫރިގަނޑު ތަޅާލާފައި ދިއުމުން އެހެން މީހަކު އެތަނަށް ވަދެ، ވަތްގަނޑު ހާވައި ހަރުން ފޯނާއި އެހެނިހެން ތަކެތި ވަގަށް ނަގާ މަންޒަރެވެ.

ފުލުހުން ބުނީ މައްސަލަ ތަހުގީގު ކުރަމުންދާ ކަމަށެވެ.