Tuesday, 17 November 2026
Advertisement
Allied Insurance (leaderboard)
އިޖުތިމާޢީ

ކުޅިވަރު ކުރިއަރުވާ ތަރައްގީކުރަން "ގައުމީ ކުޅިވަރު ފަންޑު" ގާއިމްކުރަން ނިންމައިފި

ކުޅިވަރު ކުރިއަރުވާ ތަރައްގީކުރަން "ގައުމީ ކުޅިވަރު ފަންޑު" ގާއިމްކުރަން ނިންމައިފި

"ގައުމީ ކުޅިވަރު ފަންޑު"ގެ ނަމުގައި ފަންޑެއް ގާއިމުކުރެއްވުމަށް ރައީސް ޑރ. މުހައްމަދު މުއިއްޒު ނިންމަވައިފި އެވެ.

ރައީސް ޑރ. މުހައްމަދު މުއިއްޒު އެހެން ނިންމަވާފައިވަނީ އިއްޔެ ބޭއްވުނު ވަޒީރުންގެ މަޖިލީހުގެ ބައްދަލުވުމުގައި މަޝްވަރާތަކަށްފަހު، އެ މަޖިލީހުގެ ލަފާފުޅާއެކުގައި ކަމަށް ރައީސް އޮފީހުން މިއަދު ބުންޏެވެ.

އިއްޔެ ބޭއްވުނު ވަޒީރުންގެ ބައްދަލުވުމުގައި ގައުމީ ކުޅިވަރު ފަންޑެއް ގާއިމުކުރުމާ ގުޅޭ ގޮތުން، ސްޕޯޓްސް، ފިޓްނަސް އެންޑް ރެކްރިއޭޝަން އަބްދުﷲ ރާފިއު ހުށަހެޅުއްވި ހުށަހެޅުއްވުމުގެ މައްޗަށް މަޝްވަރާތައް ކުރެވިފައިވެ އެވެ.

Advertisement
Ooredoo — Truecaller (box)

އަދި ގައުމީ ކުޅިވަރު ފަންޑު ގާއިމުކުރުމާ ގުޅޭގޮތުން، ގާނޫނު ނަންބަރު 30/2015 (ދިވެހިރާއްޖޭގެ ކުޅިވަރު ގާނޫނު) އަށް ގެންނަވަންޖެހޭ ބަދަލުތައް ގެންނެވުމަށްޓަކައި، ކުރައްވަންޖެހިވަޑައިގަންނަވާ އެންމެހައި ކަންކަން ކުރެއްވުމަށްވެސް ވަޒީރުންގެ މަޖިލީހުގެ ބައްދަލުވުމުގައި ވަނީ ނިންމަވާފަ އެވެ.

ރައީސް އޮފީހުން ބުނީ، "ގައުމީ ކުޅިވަރު ފަންޑު" ގެ ނަމުގައި ފަންޑެއް ގާއިމުކުރެއްވުމަށް ރައީސް ނިންމަވާފައިވަނީ، ދިވެހި ކުޅުންތެރިންނާއި އެތުލީޓުން އިތުރުކޮށް، ކުޅިވަރު ކުރިއަރުވައި ތަރައްގީކުރުމަށް ކަމަށެވެ. އަދި ދިވެހި ކުޅިވަރު ޖަމާއަތް ނުވަތަ ކުޅިވަރު އާއިލާ ބާރުވެރިކުރުމުގެ ވެސް މަގްސަދުގައި ކަމަށް ރައީސް އޮފީހުން ބުނެފައިވެ އެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.