ބަޖެޓުގެ ބަހުސް މާދަމާގެ ޖަލްސާއަށް ތާވަލުކޮށްފި
އަންނަ އަހަރަށް ލަފާކޮށް ހުށަހަޅާފައިވާ ބަޖެޓުގެ ބަހުސް މާދަމާގެ ރައްޔިތުންގެ މަޖިލީހުގެ ޖަލްސާއަށް ތާވަލުކޮށްފި އެވެ.
ރައްޔިތުންގެ މަޖިލީހުގެ މާދަމާގެ ޖަލްސާގެ އެޖެންޑާ ނެރެފައިވާ އިރު މައިގަނޑު ބަހުސެއްގެ ގޮތުގައި ކުރިއަށް ގެންދަން ހިމަނާފައިވަނީ ބަޖެޓުގެ ބަހުސް އެވެ.
އަންނަ އަހަރަށް ލަފާކޮށް އަދި 56.6 ބިލިއަން ރުފިޔާގެ ބަޖެޓެއް ސަރުކާރުން ހުށަހަޅާފައިވާއިރު، ބަޖެޓުގެ މަސައްކަތް މި މަހުގެ 20 ވަނަ ދުވަހަށް ނިންމަން ވެސް ވަނީ ކަނޑައަޅައިފަ އެވެ.
ބަޖެޓު ފާސްކުރަން ކުޑަ ދުވަސްކޮޅަކަށްވެފައިވާ އިރު އިދިކޮޅުން ވަނީ ކައުންސިލްތަކަށް ދޭ ބަޖެޓު ކުޑަކޮށްފައިވާތީ ކަންބޮޑުވުން ފާޅުކޮށްފަ އެވެ.
އޭގެ އިތުރުން ބެޖެޓު ފޮތް އަދިވެސް ނުލިބޭ ކަމަށް ބުނެ ވެސް އިދިކޮޅުން ކަންބޮޑުވުން ފާޅުކޮށްފަ އެވެ.
އަންނަ އަހަރުގެ ބަޖެޓުގައި އެންމެ ބޮޑު އިސްކަމެއް ދީފައިވަނީ ގެދޮރުވެރިކަމަށެވެ. އެގޮތުން ގެދޮރުވެރިކަމުގެ އެކި މަޝްރޫއުތަކަށް ހަތަރި ބިލިއަނެއްހާ ރުފިޔާ ކަނޑައަޅާފައި ވެއެވެ.
އެއާއެކު ދެން ފެށިގެން ދާނީ ގެދޮރުވެރިކަމުގެ ރަން ޒަމާނެއް ކަމަށް ވެސް ރައީސް ޑރ. މުހައްމަދު މުއިއްޒު ވިދާޅުވެފައި ވެއެވެ/
