Monday, 16 November 2026
Advertisement
Ooredoo — Article-Top (leaderboard)
ސަރުކާރު

ހުޅުމާލެ ހޮސްޕިޓަލް ޓާޝަރީ ފެންވަރަށް ބަދަލުކޮށް ހުޅުވައިފި

ހުޅުމާލެ ހޮސްޕިޓަލް ޓާޝަރީ ފެންވަރަށް ބަދަލުކޮށް ހުޅުވައިފި

ހުޅުމާލެ ހޮސްޕިޓަލުގައި އަލަށް ތައާރަފްކުރެވޭ ހިދުމަތްތަކާއެކު، ޓާޝަރީ ފެންވަރަށް ހިދުމަތްދޭ ހޮސްޕިޓަލެއްގެ ގޮތުގައި ރައީސް ޑރ. މުހައްމަދު މުއިއްޒު ހުޅުއްވައިދެއްވައިފި އެވެ.

މިއަދު ހަވީރު ހޮސްޕިޓަލުގައި އޮތް ރަސްމިއްޔާތުގައި ރައީސް ވަނީ ހުޅުމާލެ ހޮސްޕިޓަލުގެ އޮޕަރޭޝަން ތިއޭޓާ ކޮމްޕްލެކްސް، އައިސީޔޫ، އެންއައިސީޔޫ އަދި ސީއެސްޑީ ހިދުމަތްތާއެކު ޓާޝަރީ ހުޅުއްވައިދެއްވާފަ އެވެ.

އެ ރަސްމިއްޔާތުގައި ހުޅުމާލެ ހޮސްޕިޓަލް ޓާޝަރީ ފެންވަރުގައި ހިންގުމުގެ ރެޖިސްޓްރޭޝަން އަދި އޮޕަރޭޓިންގް ލައިސަންސް އެ ހޮސްޕިޓަލާ ހަވާލުކުރައްވާފައިވެ އެވެ.

Advertisement
Allied Insurance — Square (box)

އެ ހިދުމަތްތަކާއެކު ހޮސްޕިޓަލް ހުޅުއްވައިދެއްވުމަށް ފަހު ރައީސް ވަނީ އެ ހޮސްޕިޓަލުގައި އަލަށް ތައާރަފް ކުރި ހިދުމަތްތަކާބެހޭ ވީޑިއޯ ރިޕޯޓު ބައްލަވާލައްވައި، އޮޕަރޭޝަން ތިއޭޓާ ކޮމްޕްލެކްސް، އައިސީޔޫ އެންއައިސީޔޫ އަދި ސީއެސްޑީ ބައްލަވާލައްވައި، އެތަންތަނުން ދޭ ހިދުމަތްތަކާ ބެހޭ މައުލޫމާތު އޮޅުންފިލުއްވާފަ އެވެ.

އެގޮތުން ޒަމާނީ ވަސީލަތްތަކާއެކު 4 އޮޕަރޭޓިން ރޫމް ހިމެނޭ އޮޕަރޭޝަން ތިއޭޓާ ކޮމްޕްލެކްސެއް ވަނީ ގާއިމްކޮށްފަ އެވެ. އެތަނުގައި ހިމެނެނީ ލޮލުގެ ބަލިތަކަށާއި ކަށީގެ ބަލިތަކަށާއި އަންހެނުންގެ ބަލިތަކުގެ އިތުރުން އާންމު ސާޖަރީތަކަށް ހާއްސަ 4 އޮޕަރޭޓިން ކޮޓަރި އެވެ.

އޭގެ އިތުރުން 10 އެނދާއެކު އިންޓެންސިވް ކެއާ ޔުނިޓު، އައިސީޔޫ ރޫމެއްވެސް ވަނީ ގާއިމްކޮށްފަ އެވެ. އަދި އެ ޔުނިޓުގައި ގައިންގަޔަށް އަރާ ބަލިތަކުގައި ހާލު ބޮޑުވާ މީހުންނަށް ގާތުން ފަރުވާ ދިނުމަށް އައިސޮލޭޝަން ޔުނިޓެއްވެސް ވަނީ ގާއިމްކޮށްފަ އެވެ.

އައިސީޔޫގެ އިތުރުން ދަރިމައިވުމުގެ މައްސަލަތައް ދިމާވާ މީހުންނަށް ފަރުވާދިނުމަށް ނިއޮނޭޓަލް އިންޓެންސިވް ކެއާ ޔުނިޓެއްވެސް ޒަމާނީ ފެންވަރުގައި ހުޅުމާލޭ ހޮސްޕިޓަލްގައި މިހާރު ވަނީ ތަރައްގީކޮށްފަ އެވެ. އެތަނުގައި 14 އެނދު ހުރެ އެވެ.

ހުޅުމާލެ ހޮސްޕިޓަލުގައި ސެންޓްރަލް ސްޓްރެއިލް ސާވިސް ޑިޕާޓްމަންޓެއްވެސް ވަނީ ގާއިމްކޮށްފަ އެވެ. އެ ޑިޕާޓްމަންޓަކީ ހިދުމަތް ދިނުމުގައި ބޭނުންކުރާ ސިއްހީ އާލާތްތައް ސާފުކުރުމުގެ މަސައްކަތްކުރާ ތަނެވެ.

މީގެ ކުރިން ހޮސްޕިޓަލުގައި ހުންނަނީ އާލާތްތައް ސާފުކުރަން ބޭނުންކުރާ 1 މެޝިނެވެ. ނަމަވެސް ޒަމާނީ ފެންވަރުގެ މެޝިނަރީއާއެކު ގާއިމްކުރެވުނު ޑިޕާޓްމަންޓާއެކު މެޑިކަލް އާލާތްތަކުގެ ރައްކާތެރިކަން ކަށަވަރުކުރެވިގެންދާނެ އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.