ޑރ.ފައިސަލްގެ މެސެޖު:ސަމާލުވޭ! ކުޑަކުދިންނަށް އަވަސްއަވަހަށް ފާޚާނާއަށް ދެވުމާއި ތަންތާގައި ރިއްސުމުގެ އަލާމާތްތައް އެބަފެނޭ

ކުޑަކުދިންނަށް މާ އަވަސްއަވަހަށް ފާޚާނާއަށް ދެވުމާއި ބޮލާއި ކަނދުރާ އަދި އެކި ތަންތާގައި ރިއްސުންފަދަ އަލާމާތްތައް ފެންނަމުން އެބަދާ ކަމަށް ކުޑަކުދީންގެ ޑޮކްޓަރ އަޙުމަދު ފައިސަލް ވިދާޅުވެއްޖެއެވެ.

Ads by MWSC

ޑޮކްޓަރު މިއަދު ކުރެއްވި ޓްވީޓެއްގައި ވިދާޅުވީ މިކަން ދިމާވަނީ ކުދީން ގޭގައި ތިބެތިބެ ސްޓްރެސްވެގެން ކަމަށް ލަފާ ކުރައްވާ ކަމަށާއި ބައްޔެއް އުޅޭތޯ ބަލަން ޖެހޭ ކަމަށެވެ.

ޑޮކްޓަރުގެ ޓްވީޓްގައި އިތުރަށް ވިދާޅުވެފައި ވަނީ ދެ ކުދިންގެ ކިބައިން ހަކުރު ބަލި އަދި އެއް ކުއްޖެއްގެ ކިބައިން ކެންސަރު ފެނިފައިވާ ކަމަށެވެ.

މިކަންކަމާއި ގުޅިގެން ޑރ.ފައިސަލް ވަނީ ބައެއް އިރުޝާދުތައް ވެސް ދެއްވާފައެވެ. އެގޮތުން މާ ގިނައިން ސްކްރީން ނުބެލުމާއި ކަސްރަތުކޮށް ކުޅިވަރުކުޅެ އުޅުމަށް ވެސް ޑޮކްޓަރު ވަނީ އިރުޝާދު ދެއްވާފައެވެ.