Tuesday, 17 November 2026
Advertisement
Allied Insurance (leaderboard)
ސަރުކާރު

ކޮރަޕްޝަނުގެ ސަބަބުން މުޖުތަމައުގެ އިޖުތިމާއީ ފޭރާން ވީދި، ތަރައްގީއަށް ހުރަސް އެޅޭ: އިހްސާން

ކޮރަޕްޝަނުގެ ސަބަބުން މުޖުތަމައުގެ އިޖުތިމާއީ ފޭރާން ވީދި، ތަރައްގީއަށް ހުރަސް އެޅޭ: އިހްސާން
ކޮރަޕްޝަނުގެ ސަބަބުން މުޖުތަމައުގެ އިޖުތިމާއީ ފޭރާން ވީދި، ތަރައްގީއަށް ހުރަސް އެޅޭ ކަމަށް ހޯމްލޭންޑް ސެކިއުރިޓީ އެންޑް ޓެކްނޯލޮޖީ މިނިސްޓަރު އަލީ އިހްސާން ވިދާޅުވެއްޖެ އެވެ. އެންޓި ކޮރަޕްޝަން ލޯ އެންފޯސްމަންޓު އޭޖެންސީޒް އިން ދަ އޯއައިސީ މެންބަރު ސްޓޭޓްސްގެ 2 ވަނަ މިނިސްޓަރުންގެ ބައްދަލުވުމުގައި ވާހަކަ ދައްކަވަމުން އިހްސާން ވަނީ ކޮރަޕްޝަނާ ދެކޮޅަށް ކުރާ މަސައްކަތުގައި އާ އީޖާދުތަކާއި ޓެކްނޮލޮޖީއަކީ މުހިންމު ވަސީލަތެއް ކަމަށް ވިދާޅުވެފަ އެވެ. މިނިސްޓަރު ވިދާޅުވީ ކޮރަޕްޝަނާ ދެކޮޅަށް ކުރާ ހުރިހާ މަސައްކަތެއްގައި ވެސް ރާއްޖެ ދެމިއޮންނާނެ ކަމަށެވެ. އަދި ދެމެހެއްޓެނިވި ތަރައްގީ ހޯދުމަށާއި ރައްޔިތުންގެ ދުޅަހެޔޮކަން ހިމާޔަތް ކުރުމަށް ކޮރަޕްޝަނާ ދެކޮޅަށް މަސައްކަތް ކުރައްވާނެ ކަމަށެވެ.
"މި މަސައްކަތަކީ ވަރަށް މުހިންމު މަސައްކަތެއްކަން އަޅުގަނޑުމެން އެންމެން ގަބޫލުކުރަން. އެހެންނަމަވެސް، އަޅުގަނޑުމެންގެ ގައުމުތަކުގެ މެދުގައި ހަރުދަނާ އެއްބާރުލުމެއް ލިބިގެން ނޫނީ، މި މަސައްކަތް ކާމިޔާބެއް ނުކުރެވޭނެ. އޯއައިސީއަކީ ކޮރަޕްޝަން ހުއްޓުވުމުގައި ބެސްޓް ޕްރެކްޓިސްތައް ހިއްސާ ކުރުމަށް އޮތް ބާރުގަދަ ޕްލެޓްފޯމެއް،" އިހްސާން ވިދާޅުވި އެވެ.
މިކަމުގެ ސަބަބުން ސަރަހައްދީ ގުޅުންތައް އުފެދި، މުއައްސަސާތައް ހަރުދަނާކޮށް، ކޮރަޕްޝަން ހުއްޓުވުމަށް ހުރި ގޮންޖެހުންތަކަށް ހައްލު ލިބިގެންދާނެކަން ފާހަަގަކުރެއްވި އެވެ. މިނިސްޓަރު ވިދާޅުވި ގޮތުގައި ކޮރަޕްޝަނުގެ ސަބަބުން މުޖުތަމައުގެ އިޖުތިމާއީ ފޭރާން ވީދި، ތަރައްގީއަށް ހުރަސް އެޅުމުގެ އިތުރުން ވެރިކަން ބަލިކަށިވެގެންދާ ކަމުގަ އެވެ. މުސްލިމް ގައުމުތައް އިސްލާމީ އަގީދާއިން ލާޒިމުކުރާ ގޮތަށް ހާމަކަން ބޮޑު، އަދުލު އިންސާފުވެރިކަމާއި އިތުބާރުގެ މައްޗަށް އުސޫލުތައް ދެމެހެއްޓުމަކީ ވާޖިބެއް ކަމުގައި ވިދާޅުވި އެވެ. ހުރިހާ ފަންތިއެއްގައި ވެސް ކޮރަޕްޝަނާ ދެކޮޅަށް މަސައްކަތް ކުރުން މަތީ ރާއްޖޭން ދެމި އޮންނާނެކަމުގެ ޔަގީންކަން އެ ބައްދަލުވުމުގައި އިހްސާން ވަނީ ދެއްވާފަ އެވެ. އެހެންނަމަވެސް ގައުމުތަކުގެ މެދުގައި ހަރުދަނާ ގޮތެއްގައި އެއްބާރުލުން ނުލިބި، މި މަސައްކަތް ކާމިޔާބު ނުކުރެވޭނެކަން ވެސް ފާހަގަކުރެއްވި އެވެ. މިނިސްޓަރުގެ ވާހަކައިގައި ވަނީ އެންޓި ކޮރަޕްޝަން ކޮމިޝަނާއި ސައުދީ އަރަބިއްޔާ އާ ގުޅިގެން އަންނަ އަހަރުގެ މެއި މަހު "ފަތުރުވެރިކަމުގެ ދާއިރާގައި އިންޓެގްރިޓީ އިތުރުކުރުން" ގެ ނަމުގައި ރާއްޖޭގައި ބާއްވާ ޖޮއިންޓް އިންޓަނޭޝަނަލް ފޯރަމަށް މެމްބަރު ހުރިހާ ގައުމުތަކަށް ރައީސް ޑރ. މުހައްމަދު މުއިއްޒުގެ ނަންފުޅުގައި ދައުވަތު އަރުވާފަ އެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.