ބަޖެޓާ އެއްވަރުގެ ބިޑެއް ނުލިބިގެން އީސީ އަށް އޮފީހަށް ހޯދަން ކުރި އިއުލާން ބާތިލުކޮށްފި
އަންދާޒާކުރި ބަޖެޓަށްވުރެ ބޮޑުވުމުގެ ސަބަބުން އިލެކްޝަން ކޮމިޝަން (އީސީ) އޮފީސް ހިންގާނެ އިމާރާތެއް ހޯދަން ކުރި އިއުލާނު އެ ކޮމިޝަނުން ބާތިލުކޮށްފި އެވެ.
10 އަހަރުގެ މުއްދަތަށް ކުއްޔަށް ދޭނެ އިމާރާތެއް ހޯދަން އީސީން އިއުލާންކުރީ 16 އޮކްޓޫބަރުގަ އެވެ.
އީސީން ސަރުކާރުގެ ގެޒެޓުގައި މިއަދު އާއްމުކުރި އިއުލާނެއްގައި ބުނީ އިމާރާތް ހިންގާނެ އޮފީހެއް ހޯދަން ކުރި އިއުލާން ބާތިލުކުރީ ހުށަހަޅާފައިވާ ބީލަންތައް ކޮމިޝަނުން އަންދާޒާކުރި ބަޖެޓަށްވުރެ ބޮޑުވުމުގެ ސަބަބުން ކަމަށެވެ.
އީސީގެ މެންބަރު ހަސަން ޒަކަރިއްޔާ "ދެން" އަށް ވިދާޅުވީ ބިޑުތައް ބާތިލްކުރީ ލިބުނު އަގު ބޮޑުވެގެން ކަމަށެވެ.
"5 މިލިއަންށްވުރެ އަގުބޮޑު ބިޑުތަކެއް ހުށަހެޅީ" އެހެންވެ އެ އިއުލާން ބާތިލުކޮށްފައިވާ ކަމަށް ޒަކަރިއްޔާ ވިދާޅުވި އެވެ.
އީސީ މިހާރު ހިންގަމުން ދަނީ ހިލާލީ މަގުގައި ހުންނަ ޕޯޓް ކޮމްޕްލެކްސްގެ 5 ވަނަ ފަންގިފިލާގައި ކަމަށެވެ.
ކޮމިޝަނަށް އާ އިމާރާތެއް ހޯދަމުން ދިޔައީ މިހާރު އެ ކޮމިޝަން ހިންގަމުންދާ އިމާރާތް މި އަހަރަށް ހުސްކުރަން ޖެހޭތީ އެވެ.
ޕޯޓް ކޮމްޕްލްކްސްގައި އެ ކޮމިޝަން ހިންގަމުންދާތާ މިހާރު 19 އަހަރުވެއްޖެ އެވެ.
ދައުލަތުން ވައްކަން ނުކުރާނެ ގޮތެއް ހަމަނެތްތޯ؟