Monday, 16 November 2026
Advertisement
Ooredoo — Article-Top (leaderboard)
ސަރުކާރު

ތޮއްޑޫގައި ޑޮލަރު އޭޓީއެމްއެއް ބަހައްޓަނީ

ތޮއްޑޫގައި ޑޮލަރު އޭޓީއެމްއެއް ބަހައްޓަނީ
އއ. ތޮއްޑޫގައި ޑޮލަރު އޭޓީއެމްއެއް ބަހައްޓާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ. ތޮއްޑޫ ރައްޔިތުންނާ ބައްދަލުކުރައްވާ ވާހަކަފުޅު ދައްކަވަމުން ރައީސް ވިދާޅުވީ، އެ ރަށުގައި ލޯކަލް ޓޫރިޒަމް ފުޅާވުމާ އެކު، ޑޮލަރު ވެސް ތިޔާގި ކަމަށެވެ. އެހެންވެ، އެ ރަށު ރައްޔިތުންނަށް ރަށުގައި ތިބެ ޑޮލަރު ނެގޭނެ ގޮތެއް ހޯއްދަވައިދެއްވާނެ ކަމަށެވެ.
"... މި ރަށުގައި ތިބެގެން ޑޮލަރު ވިތްޑްރޯ ކުރެވޭ ގޮތް ވާން ޖެހޭނެ. ޑޮލަރުގެ އޭޓީއެމްއެއް އިރާދަކުރެއްވިއްޔާ ގާއިމުކޮށްދޭނަން،" ރައީސް ވިދާޅުވި އެވެ.
އަތޮޅުތެރޭގެ ހުރިހާ ރަށެއްގައި އޭޓީއެމް ނެތުމުން، އެއް ރަށުން އަނެއް ރަށަށް ބޭންކިން ހިދުމަތް ހޯދަން ދަތުރުކުރުން އަންނަ އަހަރުގެ ނިމުމުގެ ކުރިން ނިމުމަކަށް ގެނެސްދެއްވާނެ ކަމަށް ރައީސް ވިދާޅުވި އެވެ. އެމަނިކުފާނު ވިދާޅުވީ، އޭޓީއެމް ނެތް ހުރިހާ ރަށެެއްގައި އަންނަ އަހަރު ނިމުމުގެ ކުރިން އޭޓީއެމް ގާއިމުކޮށް، އާބާދީ ބޮޑެތި ރަށްރަށުގައި ބޭންކްގެ ބްރާންޗް ވެސް ގާއިމުކޮށްދެއްވާނެ ކަމަށެވެ.
"ބޭނުންވަނީ އެމީހަކާ ގާތުން ތަފާތު ކުރުމެއް ނެތި، ހަމަހަމަކަމާ އެކު މިދެންނެވި ގޮތަށް ބޭންކިން ހިދުމަތް ލިބޭނެ ގޮތަށް ގާއިމުކުރެވިގެންދިއުން،" ރައީސްގެ ސިޔާސަތު ހިއްސާ ކުރައްވަމުން ވިދާޅުވި އެވެ.
ޑޮލަރު އޭޓީއެމް ގާއިމުކުރުމުގެ އިތުރުން، ތޮއްޑޫގައި އެހެނިހެން ތަރައްގީގެ ޕްރޮޖެކްޓްތައް ވެސް ހިންގަވާނެ ކަމަށް ރައީސް ވިދާޅުވި އެވެ. އެގޮތުން އެ ރަށުގެ މަގުތައް ހެދުމާއި ސްކޫލާއި ހެލްތު ސެންޓަރު ތަރައްގީ ކުރުމުގެ މަޝްރޫއު ވެސް ކުރިއަށް ގެންދަވާނެ ކަމަށް ވިދާޅުވި އެވެ. ރާއްޖޭގެ މީހުން ދިރިއުޅޭ ހުރިހާ ރަށެއްގައި އޭޓީއެމްގެ ހިދުމަތް ގާއިމުކޮށް، ހުރިހާ ދިވެހި ރައްޔިތުންނަށް ގާތުން އަދި ފަސޭހަކަމާ އެކު ބޭންކިން ހިދުމަތްތައް ފޯރުކޮށްދިނުމަކީ ރައީސްގެ ރިޔާސީ ވައުދުފުޅެކެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.