ވިސްނުން ތޫނު ދަރިން ބޭނުން ނަމަ މާބަނޑުއިރު މިތަކެތި ކެއުމަށް ސަމާލުކަން ދީ!
މާބަނޑު އިރު ގިނައިން މޭވާ ކޭ މީހުންނަށް ލިބިފައިވާ ދަރިންގެ ވިސްނުން ރަނގަޅު ކަމަށް ފަހުގެ ދިރާސާތަކުން ހާމަވެފައިވެ އެވެ.
މި ދިރާސާ ކުރީ މާބަނޑުއިރު ގިނައިން ދޮންކޭލާއި ބެރީޒް އާއި ތަފާތު ވައްތަރުގެ މޭވާ ގިނައިން ކޭ މައިންނަށް ލިބިފައިވާ ދަރިންނަށް އެއް އަހަރު ވުމަށްފަހު އެކުދިންގެ ވިސްނުމުގެ ހުނަރު މޮނިޓަރކޮށްގެންނެވެ. މި ޓެސްޓުގެ ނަތީޖާ ދެއްކިގޮތުން އެހެން ކުދިންނާ އަޅާބަލާއިރު މިކުދިން ޓެސްޓުން މާ މަތި ހޯދި އެވެ.
އީބައޯމެޑިސިލް ޖާނަލްގައި ޝާއިއުކޮށްފައިވާ މި ދިރާސާ ކުރުމަށް ކެނެޑާގެ ސައިންސްވެރިން ވަނީ އުމުރުން 12 މަހުގެ 808 ކުއްޖަކު ޓެސްޓުކޮށްފަ އެވެ. މިކުދިންގެ މައިންނަކީ މުޅި އެ ގައުމަށް ހުޅުވާލައިގެން ވަރަށް ފުޅާ ދާއިރާއެއްގައި ހެދި ހެލްތު ސްޓަޑީއެއްގެ ބައިވެރިންނެވެ. މި އެންމެންވެސް ވަނީ މާބަނޑު ދުވަސްވަރު އެމީހުން ކޮންމެ ދުވަހަކު ކެއުމާއި އެހެނިހެން އާދަތައް ގެންގުޅުނު ގޮތް ރެކޯޑްކޮށްފަ އެވެ.
މި ޓެސްޓްގެ ނަތީޖާތައް އަޅާ ކިޔާލިއިރު މި ހެލްތު ސްޓަޑީގައި ބައިވެރިވި މާބަނޑު މީހުންގެ ތެރެއިން އެންމެ ގިނައިން މޭވާ ކޭ ކަމަށް ރެކޯޑް ކުރެވިފައިވާ މީހުންނަށް ލިބިފައިވާ ދަރިންގެ ހަނދާން ގަދަވުމާއި ދަސްކުރުމުގެ ހުނަރު މާ މަތިކަން ވަނީ ހާމަވެފަ އެވެ.
މި ޓެސްޓްގެ ނަތީޖާތައް އަޅާ ކިޔާލިއިރު މި ހެލްތު ސްޓަޑީގައި ބައިވެރިވި މާބަނޑު މީހުންގެ ތެރެއިން އެންމެ ގިނައިން މޭވާ ކޭ ކަމަށް ރެކޯޑް ކުރެވިފައިވާ މީހުންނަށް ލިބިފައިވާ ދަރިންގެ ހަނދާން ގަދަވުމާއި ދަސްކުރުމުގެ ހުނަރު މާ މަތިކަން ވަނީ ހާމަވެފަ އެވެ.
ސައިންސްވެރިންނަށް މި ދިރާސާއިން ފާހަގަކުރެވިފައި ވަނީ މާބަނޑުއިރު މޭވާ ގިނައިން ކާ ވަރަކަށް ވިހާ ދަރިފުޅުގެ ވިސްނުން ތޫނު ވެފައި ޓެސްޓުން މަތީ ނަތީޖާ ހޯދާފައިވާ ކަމެވެ.
މިތަނުން ކޮންމެ މަޔަކު މާބަނޑު ދުވަސްވަރު ކޭ ކޮންމެ މޭވާ ޕޯޝަނަކަށް އެމީހުންނަށް ލިބުނު ދަރިން ލައްވާ ހެދި ޓެސްޓްގެ ނަތީޖާ 2.38 ޕަސެންޓް މަތިވެފައިވެ އެވެ.
މާބަނޑު ދުވަސްވަރު މި އަންހެނުންގެ ކެއުމުގައި ހިމެނި ފައިބަރާއި ކެލޮރީޒް އަދި އޮމެގާ 3 އަދި މި ނޫންވެސް މާބަނޑު ވުމާ ގުޅިގެން ކައި އުޅޭ ކެއުންތަކުގެ ސަބަބުން މި ނަތީޖާއަށް އެއްވެސް ބަދަލެއް އައިސްފައެއް ނުވެ އެވެ.
އަދި ތުއްތުއިރު އެ ކުދިންނަށް ކާންދީފައިވާ މޭވާގެ މިންވަރަކުން ވެސް މި ނަތީޖާއަށް ބަދަލެއް ނާދެ އެވެ. މެހި ބޭނުންކޮށްގެން ރިސާޗަރުން ލެބޯޓްރީގައި ހެދި މިފަދަ ދިރާސާއަކުން ވެސް ދެއްކީ ހަމަ މިއާ ދާދި އެއްގޮތް ނަތީޖާއެކެވެ. ވިހެއުމުގެ ކުރިން އެ ތަކެތި މޭވާ ކައިފައިވާ މިންވަރު އިތުރުވީ ވަރަކަށް އެ އެއްޗެތި ވިހޭ ދަރިންގެ މެމޮރީ ޓެސްޓުގެ ނަތީޖާވެސް މަތިވި އެވެ.
މި ދެ ދިރާސާގެ ނަތީޖާވެސް އެއްގޮތްކަމުން، ގާތުން ކިރުދިނުމާއި މައިމީހާގެ ތައުލީމީ ފެންވަރު އަދި އެމީހާގެ ދިރިއުޅުމުގެ ފެންވަރުން ކުދިންގެ ވިސްނުން ތޫނުކަމަށް ބަދަލެއް އައިސްފައިވާނެ ކަމަކަށް ސައިންސްވެރިން ނުދެކެއެވެ.
ރިޕޯޓުގައި ބުނެފައިވާ ގޮތުގައި މިގޮތަށް ދިމާވާ އެންމެ ބޮޑު ސަބަބަކަށް ބެލެވެނީ "ސައިކްލިކް އެޑެނިލޭޓް މޮނޮފޮސްފޭޓް ޕާތުވޭ" ނުވަތަ ސައިކްލިކް އޭއެމްޕީ ގެ ސަބަބުންނެވެ. މިއީ އިންސާނުންނާއި ފްލައިޒް ގާ ވެސް ހުންނަ އެއްޗެކެވެ.
ހަށިގަނޑުގައިވާ ޕްރޮޓީންސް އާއި ކެމިކަލްސް ރެގިއުލޭޓްކުރަނީ މި ޕާތުވޭ އިންނެވެ. ސެލްތައް އެއްކޮށް ހުރުމާއި ސިކުނޑީގެ އެކި އޭރިއާތަކުގެ ފަންކްޝަން މާ ގަދަޔަށް ވިސްނުމަށް ބޭނުންކުރާ ޕްރިފޮރެންޓަލް ކޯޓެކްސްގެ މަސައްކަތް ވެސް ރެގިއުލޭޓް ކުރަނީ މި ޕާތުވޭ އިންނެވެ.
