އަމާޒަކީ ޒަކާތު ފަންޑަށް އަހަރަކު މަދުވެގެން 100 މިލިއަން އިތުރުކުރުން، މި އަހަރު އެކަން ވާނެ
އަމާޒަކީ ޒަކާތު ފަންޑަށް އަހަރަކު މަދުވެގެން 100 މިލިއަން ރުފިޔާ އިތުރުކުރުން ކަމަށާއި މި އަހަރު އެކަން ވާނެ ކަމަށް އިސްލާމިކް މިނިސްޓަރު މުހަައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.
ޒަކާތު ފަންޑަށް 98 މިލިއަން ރުފިޔާ ލިބިފައިވާކަން ފާހަގަކުރައްވާ ޝަހީމް ވިދާޅުވީ، މިއީ ރާއްޖޭގެ ތާރީހުގައި އެންމެ ގިނަ އަދަދަކަށް ޒަކާތު ފަންޑަށް ފައިސާ ލިބުނު އަހަރު ކަމަށެވެ.
އަދި އިސްލާމިކް މިނިސްޓްރީގެ އަމާޒަކީ އަހަރަކު މަދުވެގެން 100 މިލިއަން ރުފިޔާ ޒަކާތު ފަންޑަށް ހޯދުން ކަމަށް ވިދާޅުވި އެވެ. މިނިސްޓަރު ފާހަގަކުރެއްވި ގޮތުގައި، ޒަކާތު ފަންޑަށް ލިބުނު އަދަދު އިތުރުވުމަކީ ރައީސް ޑރ މުހައްމަދު މުއިއްޒުގެ ސަރުކާރުން ޒަކާތުގެ ހާއްސަ އިދާރާއެއްގެ އުފެެއްދުމުގެ ހެޔޮ ނަތީޖާ އެވެ.
ޒަކާތު ފަންޑުގެ މައިގަނޑު ބޭނުމަކީ ޝަރުއީ އަސާސްގެ އަލީގައި ޒަކާތުގެ ހައްގުވެރިންނަށް ފުޅާދާއިރާއެއްގައި އެހީތެރިވުމެވެ. މިހާރު ވެސް އެ ފަންޑުން ދަނީ އެހީތެރި ކަމަށް ބޭނުންޖެހިފައިވާ ފަރާތްތަކަށް އެހީތެރިކަން ފޯރުކޮށްދެމުންނެވެ.
އެގޮތުން، މިދިޔަ އޮކްޓޯބަރު މަހު ޒަކާތު ހައުސްއިން އާންމުކުރި ތަފާސް ހިސާބު ރިޕޯޓުން ދައްކާ ގޮތުގައި މިދިޔަ މަހު ފަގީރުންނާއި މިސްކީނުންނަށް ބޭސްފަރުވާގެ އެހީގެ ގޮތުގައި ޖުމްލަ 529،702 ރުފިޔާ ވަނީ ހަރަދުކޮށްފަ އެވެ.
ވަކި ނަމެއްގައި ތަނެއް އުފެއްދީމަތޯ ޒަކާތް އިތުރުވަނީ!