ތިމަރަފުށީގައި މާރާމާރީ ހިންގި މީހުންގެ ބަންދުގެ މުއްދަތު ޖަހައިފި
ތ ތިމަރަފުށީގައި ގެއަކަށް ވަދެ މާރާމާރީ ހިންގި މައްސަލާގައި ހައްޔަރުކުރި މީހުންގެ ބަންދުގެ މުއްދަތު ޖަހައިފި އެވެ.
އިއްޔެ މެންދުރުފަހު ހިންގި މާރާމާރީއާ ގުޅިގެން 5 މީހަކު ހައްޔަރުކުރި އެވެ. އެ އެންމެންނަކީވެސް ދިވެހީންނެވެ.
އެ މައްސަލާގައި ހައްޔަރުކޮށްފައިވަނީ:
އަހްމަދު އަމީން, ޖަހާމުގުރިގެ, ތ ތިމަރަފުށި (36އ)
އަހްމަދު ޝަހުދީ, ސަލްވާ, ތ ތިމަރަފުށި (38އ)
މުހައްމަދު ރައޫފު, ވ ވަވަތް, ކ މާލެ (54އ)
އަބްދުالله އަޝްރަފް, ގުލްބަކާވިލާ, ތ ތިމަރަފުށި (39އ)
އާސް އިބްރާހީމް, ހިރި, ތ ތިމަރަފުށި (32އ)
ފުލުހުން ބުނީ އެ މައްސަލައިގައި ހައްޔަރުކުރި އަޝްރަފްއާއި އާސް އަދި ރައޫފްގެ ބަންދަށް 10 ދުވަސް ކޯޓުން ޖަހައިދީފައިވާ ކަމަށެވެ.
އަދި އަމީން 7 ދުވަހަށާއި ޝަހުުދު 5 ދުވަހަށް ބަންދުކުރުމަށް ވެސް އަމުރުކޮށްފައިވާ ކަމަށް ފުލުހުން ބުންޏެވެ.
މާރާމާރީ ހިނގަން މެދުވެރިވި ސަބަބެއް މިހާތަނަށް އެނގިފައެއް ނުވެ އެވެ.
ތިމަރަފުށީ ހެލްތު ސެންޓަރުގެ މެނޭޖަރު އަހުމަދު އަތޫފް އިއްޔެ "ދެން" އަށް ވިދާޅުވީ ދެ މީހެއްގެ ދެމެދު މާރާމާރިއެއް ހިނގައި، އެކަކަށް އަނިޔާވެގެން ހެލްތް ސެންޓަރަށް ގެންދިޔަ ކަމަށެވެ. އެ މީހާއަށް މާ ބޮޑު އަނިޔާއެއް ލިބިފައިނުވާ ކަމަށް އަތޫފް ވިދާޅުވި އެވެ.
