ކުޅުދުއްފުއްޓަށް ފަހު 5 ފްލެމިންގޯގެ މަންޒިލަކަށް ފުނަދޫ
ކޮންމެ އަހަރެއްގެ އިރުވައި މޫސުމެއްގައި ގުޑުގުޑާ ދޫނި (ފްލެމިންގޯ) ރާއްޖެ އަށް ހިޖުރަކުރާ އެވެ. އާއްމުކޮށް ފޮޓޯތަކުން ފެންނަނީ 5 އާއި 7 ދެމެދު އަދަދަކަށް ފްލެމިންގޯ އަންނަތަނެވެ. މި އަހަރު ފްލެމިންގޯ އެންމެ ފުރަތަމަ ފެނުނީ ކުޅުދުއްފުށީ މަށިކުޅިންނެވެ. އެ ކުޅީގައި 5 ފްލެމިންގޯ ފެނުނެވެ.
ކުޅުދުއްފުށިން ބައެއް މީހުން "ދެން" އަށް ކިޔައިދިން ގޮތުގައި އާއްމު ގޮތެއްގައިވެސް އެ ރަށަށް ގޮސް އުޅެނީ 5 ފްލެމިންގޯ ކަމަށެވެ. މި ފަހަރު ދިޔަ 5 ފްލެމިންގޯ މިހާރު ރަށުގައި ނެތް ކަމަށްވެސް ބައެއް މީހުން ބުންޏެވެ.
ށ ފުނަދޫ ދަށްފަޅުގައި 5 ފްލެމިންގޯ ތިބި މަންޒަރު ފެންނަ ފޮޓޯއެއް ފޭސްބުކްގައި "ޖަވާ އާޓްސް ކިޔާ" ޕޭޖަކުން ވަނީ ޕޯސްޓުކޮށްފަ އެވެ.
ފުނަދޫ ކައުންސިލްގެ ރައީސް އަހުމަދު އިބްރާހިމްފުޅު "ދެން"އަށް ވިދާޅުވީ އެ 5 ފްލެމިންގޯތައް ފެންނަަން ފެށީ މިއަދު ކަމަށް ވެސް އޭނާ ވިދާޅުވި އެވެ.
"2019އިން ފެށިގެން ކޮންމެ އަހަރަކުވެސް އެ ދޫނިތައް އާދޭ މި ރަށަށް" އަހުމަދު ވިދާޅުވި އެވެ.
މާކަނާގެ އާއިލާގައި ހިމެނޭ ފްލެމިންގޯ އަކީ ހިމާޔަތްކޮށްފައިވާ ދޫންޏެކެވެ.
މީގެ ކުރިން ރާއްޖެއައި ފްލެމިންގޯއެއް ހިފައި ވިއްކަން ޖެހި މައްސަލައެއް ވެސް ފެންމަތިވި އެވެ.
Ads by STO
