Sunday, 22 November 2026
Advertisement
Ooredoo — Article-Top (leaderboard)
ޚަބަރު

މާލޭގެ ތިން ސަރަހައްދަކުން ވެލި ބަސްތާތައް ފޯރުކޮށްދެނީ

މާލޭގެ ތިން ސަރަހައްދަކުން ވެލި ބަސްތާތައް ފޯރުކޮށްދެނީ

މޫސުން ގޯސްވާނެ ކަމަށް ލަފާ ކުރެވޭތީ ތައްޔާރުވުމުގެ ގޮތުން މާލޭގެ ތިން ސަރަހައްދަކުން ވެލި ބަސްތާތައް ފޯރުކޮށްދޭން ފަށައިފި އެވެ.

މެޓް އޮފީހުން ލަފާކޮށްފައިވާ ގޮތުން މޫސުން ގޯސްވާނީ މިއަދުން ފެށިގެން މި މަހުގެ 18 ވަނަ ދުވަހާ ހަމައަށެވެ.

އެމްއެންޑީއެފުން ބުނީ ވިއްސާރައިގައި ގެދޮރަށް ފެންވަދެ ލިބިދާނެ ގެއްލުމަކުން ރައްކާތެރިކުރުމަށް ޓަކައި ވެލިބަސްތާ ޖަހައިދިނުމުގެ މަސައްކަތަށް ވެސް މާލޭ އޭރިއާ ކޮމާންޑުން މިހާރު އޮތީ ވަރަށް ބޮޑަށް ތައްޔާރުވެފައި ކަމަށެވެ.

Advertisement
Ooredoo — Square (box)

އެގޮތުން މާލޭގެ ގޭބިސީތަކަށް އަވަސްކަމާ އެކު ވެލިބަސްތާ ފޯރުކޮށްދިނުމަށް ޓަކައި މާލޭގެ ތިން
ސަރަޙައްދެއްގައި ވެހިކަލް ބާއްވާފައިވާ ކަމަށް އެމްއެންޑީއެފުން ބުނެފައިވެ އެވެ.

"އެގޮތުން ސަލްމާން މިސްކިތް ކައިރީގައި 260 ބަސްތާއާ އެކު ލޮރީއެއް، ކުޑަކުދިންގެ ބަގީޗާ
ސަރަޙައްދުގައި 200 ބަސްތާއާ އެކު ލޮރީއެއް، އަދި ސޯޝަލް ސެންޓަރު ސަރަހައްދުގައި 200 ބަސްތާއާ އެކު ލޮރީއެއް ސްޓޭޝަން ކުރެވިފައިވާނެ އެވެ،" އެމްއެންޑީއެފުން ބުނެފައިވެ އެވެ.

އެ ސްޓޭޝަންތަކުން ރައްޔިތުންނަށް ވެލިބަސްތާ ފޯރުކޮށްދިނުމުގެ އިތުރުން އެހީތެރިކަން ބޭނުންވާ ފަރާތްތަކަށް ވެލިބަސްތާ ފޯރުކޮށްދިނުމަށް ދެ މޯބައިލް ޓީމު ވެސް ހަރަކާތްތެރިވަމުންދާ ކަމަށް އެމްއެންޑީއެފުން ބުނެފައިވެ އެވެ.

ވިއްސާރައިގެ ސަބަބުން ލިބޭ ގެއްލުން ކުޑަކުރުމަށް ޓަކައ،ި އާންމުކޮށް ފެންބޮޑުވާ ސަރަހައްދުތަކުގެ ތެރެއިން ފެން ނެގެންހުރި ސަރަހައްދުތަކުގައި އެމްއެންޑީއެފް އެފްއާރްއެސްގެ ފަރާތުން ދަނީ ޕަންޕު ބަހައްޓައ،ި ވަޅުތަކަށް އެޅެމުންދާ ފެން ހިއްކަމުންނެވެ. އަދި ފެންގަނޑު ބޭރުކުރުމަށް ޓަކައި ކުރެވެންހުރި އެހެނިހެން މަސައްކަތްތައް ވެސް ދަނީ ކުރަމުންނެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.