ޓޫރިޒަމް މިނިސްޓަރުގެ ރަސްމީ ދަތުރުތައް ސަރުކާރުން ހުއްޓުވައިފި
ޓޫރިޒަމް މިނިސްޓަރުގެ ހައިސިއްޔަތުން، މިނިސްޓަރު އިބްރާހިމް ފައިސަލް ކުރަން ހަމަޖެހިފައިވާ ރަސްމީ ހުރިހާ ދަތުރުތައް ހުއްޓާލަން ރައީސް އޮފީހުން މިއަދު އަންގައިފި އެވެ.
ރައީސް އޮފީހުން، ޓޫރިޒަމް މިނިސްޓަރަށް އެކަން އަންގާފައިވާކަން އެ މިނިސްޓްރީގެ އިސް އޮފިޝަލަކު ވަނީ "ދެން" އަށް ޔަގީންކޮށްދީފަ އެވެ.
އެކަމަކު ދަތުރުތައް ހުއްޓާލަން އެންގި ސަބަބެއް ރައީސް އޮފީހުން ބުނެފައިނުވާ ކަމަށް އޮފިޝަލް ވިދާޅުވި އެވެ.
"ވަކި ސަބަބެއް ނުބުނޭ، އެންގީ ހުއްޓާލަން. މާޗު މަހު އޮންނަ އައިޓީބީ ފެއާއަށްވެސް މިނިސްޓަރަށް ދަތުރުނުކުރުމަށް އެންގީ" މައުލޫމާތުގެ ގޮތުން ނަންހާމަނުކުރަން ޝަރުތުކޮށް މައުލޫމާތު ދިން މީހާ ބުންޏެވެ.
އައިޓީބީ ފެއާ އޮންނާނީ ޖަރުމަނުގެ ބާލިންގައި މާޗު 4 އިން 6 އަށެވެ.
މިނިސްޓަރު ފައިސަލްގެ ދަތުރުތައް ހުއްޓުވި ސަބަބާ ގުޅޭ ގޮތުން ރައީސް އޮފީހުން އަދި މިހާތަނަށް އެއްވެސް އެއްޗެއް ބުނެފައެއް ނުވެ އެވެ.
Ads by STO
