މާލޭގެ ސަރުކާރު ހޮސްޕިޓަލުތަކުގައި ބަލި މީހުންނަށް ޒިޔާރަތްކުރެވޭ ވަގުތު އިތުރުކުރަނީ

ރޯދަ މަހާ ގުޅިގެން މާލެ ސިޓީ ގްރޫޕް އޮފް ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންދާ ބަލި މީހުންނަށް ޒިޔާރަތްކުރެވޭ ވަގުތު އިތުރުކުރަން މިއަދު ނިންމައިފި އެވެ.

Ads by MPL

މާލެ ހޮސްޕިޓަލްސް ގްރޫޕްގެ ދަށުން ހިންގާ އައިޖީއެމްއެޗް، ދަރުމަަންވަތަ ހޮސްޕިޓަލު، ވިލިމާލެ ހޮސްޕިޓަލް އަދި ހުޅުމާލެ ހޮސްޕިޓަލުގައި މިހާރު އެޑްމިޓްކޮށްފައި ތިބޭ ބަލިމީހުންނަށް ޒިޔާރަތްކުރެވެނީ ހަވީރު ފަހަކުން ރޭގަނޑު އަށަކަށެވެ.

ނަމަވެސް މާލެ ހޮސްޕިޓަލްސް ގްރޫޕްގެ ސީއީއޯ އިބްރާހިމް އަބްދުއްރައްޒާގު ހަލީމް މިއަދު އެކްސްގައި ވިދާޅުވީ އެޑްމިޓްކޮށްގެން ފަރުވާދޭ ބަލިމީހުންނަށް ރޯދަމަހު ޒިޔާރަތްކުރާ ވަގުތު ހަވީރު 5:00 އިން ފެށިގެން ރޭގަނޑު 10:30 އަށް އިތުރު ކުރުމަށް ނިންމައިފައިވާ ކަމަށެވެ.

ނަމަވެސް އެ ނިންމުމަށް އަމަލުކުރަން ފަށާނީ ކޮން އިރަކުން ކަމެއް އޭނާ ވިދާޅެއް ނުވެއެވެ.