ސްޓެލްކޯގެ އެހީގައި އިންޖިނިއަރިން ދާއިރާއިން ކިޔަވަން ސްކޮލަޝިޕްތަކެއް ހުޅުވާލައިފި
ސްޓޭޓް އިލެކްޓްރިކް ކޮމްޕެނީ (ސްޓެލްކޯ) ގެ އެހީގައި އިންޖިނިއަރިންގެ ދާއިރާއިން ކިޔަވަން ސްކޮލަޝިޕްތަކެއް ހުޅުވާލައިިފި އެވެ.
ސްޓެލްކޯއިން އިއްޔެ ކުރި އިއުލާނެއްގައި ހުޅުވާލީ އެ ކުންފުނީގެ ހަރަދުގައި އިންޖިނިއަރިންގެ ދާއިރާއިން ބެޗެލާސް ޑިގްރީއާ ހަމައަށް އިނގިރޭސިވިލާތުގައި ކިޔެވުމުގެ ފުރުސަތުތަކެކެވެ.
އެ ސްކޮލަޝިޕްތައް ދޫކުރާނީ ދަރިވަރުންގެ ނަތީޖާއަށް ބިނާކޮށް ކަމަށް ސްޓެލްކޯއިން ބުންޏެވެ.
އެގޮތުން ތިން ފުރުސަތު ސްޓެލްކޯއިން ހުޅުވާލިއިރު އޭގެ ތެރޭގައި ހިމެނެނީ އިލެކްޓްރިކަލް އެންޑް އިލެކްޓްރޯނިކް އިންޖިނިއަރިންއިން ކިޔެވުމުގެ އެއް ފުރުސަތާއި މެކޭނިކަލް އިންޖިނިއަރިންގެ ދާއިރާއިން ކިޔެވުމުގެ ދެ ފުރުސަތެވެ.
އެ ސްކޮލަޝިޕްތަކަށް ކުރިމަތިލުމުގެ ޝަރުތުތަކުގެ ތެރޭގައި އުމުރުން 24 އަހަރު ފުރިފައިނުވާ ދިވެއްސަކަށް ވުމާ އަދި އޭ ލެވެލްގެ ތިން މާއްދާއިން ދަށްވެގެން އޭ ސްޓާ ލިބިފައިވުން ހިމެނެ އެވެ.
ސްކޮލަޝިޕްތަކަށް ކުރިމަތިލުމުގެ ފުރުސަތު އަންނަ މަހުގެ 30 ވަނަ ދުވަހާ ހަމައަށް ވަނީ ހުޅުވާލައިފަ އެވެ.
Ads by STO
