ސްޕޯޓްސް މިނިސްޓްރީގެ ޕާމަނަންޓް ސެކެޓްރީގެ މަގާމަށް ޝިޔާއު އައްޔަނުކޮށްފި

ސްޕޯޓްސް މިނިސްޓްރީގެ ޕާމަނަންޓް ސެކެޓްރީ(ޕީއެސް)ގެ މަގާމަށް އަހުމަދު ޝިޔާއު އައްޔަނުކޮށްފި އެވެ.

Ads by STELCO

ސިވިލް ސާވިސް ކޮމިޝަންއިން މިއަދު އެކްސްގައި ބުނީ ޝިޔާއު ސްޕޯޓްސް މިނިސްޓްރީގެ ޕީއެސްގެ މަގާމަށް އައްޔަނުކޮށްފައިވާ ކަމަށެވެ.

ޝިޔާއު ކުރިން ވަނީ އެޓާނީ ޖެނެރަލް އޮފީހުގެ ޕީއެސްގެ މަގާމުވެސް ފުރައްވައިފަ އެވެ.

ޝިޔާއު އަކީ ސަރުކާރާއި ޕްރައިވެޓް ސެކްޓާގައި ވެސް ފުންނާބު އުސް މަގާމުތަކެއް އަދާކުރައްވާފައިވާ ބޭފުޅެކެވެ.

އެގޮތުން އޭނާ ވަނީ ޑިފެންސް މިނިސްޓްރީގެ ޑިރެކްޓަރު ކަމާއި، އިސްލާމިކް ޔުނިވާސިޓީގެ ޑިރެކްޓަރު ކަމާއި، އެފްޑަބްލިއު ކޮންސްޓްރަކްޝަން ކޮމްޕެނީ ޕްރައިވެޓް ލިމިޓެޑްގެ މެނޭޖަރު އެޑްމިނިސްޓްރޭޝަންގެ މަގާމު ފުރުއްވައިފަ އެވެ.

ޝިޔާއު ވަނީ މެލޭޝިއާގެ އޯޕަން ޔުނިވާސިޓީން  މާސްޓާ އޮފް ބިޒިނަސް އެޑްމިނިސްޓްރޭޝަން ވެސް ހާސިލުކުރައްވައިފަ އެވެ.