ސިހުރުގެ ތުހުމަތުގައި ބާރަށުގައި ބޮޑު އޮޕަރޭޝަނެއް

ހއ. ބާރަށުގައި ސިހުރު ހަދާކަމުގެ ތުހުމަތުގައި ފުލުހުން ބޮޑު އޮޕަރޭޝަނެއް ފަށައިފި އެވެ.

Ads by MPL

މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ، ފުލުހުންގެ އިންޓެލިޖެންސަށް ލިބުނު މައުލޫމާތާ ގުޅިގެން ބާރަށުގައި މިއަދު ހެނދުނު 7 އިން ފެށިގެން ހިންގި އޮޕަރޭޝަންގައި އެ ރަށުގެ 8 ތަނެއް ބަލައިފާސްކޮށްފައިވާ ކަމަށެވެ.

ފުލުހުން ބުނީ ފާސްކުރި 8 ތަނުން މައްސަލައާ ގުޅުންހުރި ކަމަށް ބެލެވޭ ތަކެތި ގެންދިޔަ ކަމަށެވެ.

އަދި 8 މީހަކާ ސުވާލުކޮށް ދޫކޮށްލާފައިވާ ކަމަށް ފުލުހުން ބުންޏެވެ. އެ މީހުންނާ ގުޅޭ މައުލޫމާތެއް ފުލުހުން ހިއްސާއެއް ނުކުރެ އެވެ.