Tuesday, 17 November 2026
Advertisement
Ooredoo — Article-Top (leaderboard)
އިޖުތިމާޢީ

ނޮވެމްބަރު މަހަށް ފުވައްމުލަކު ގޭބިސީތަކަށް ފެން ބިލެއް ނުދާނެ: ފެނަކަ

ނޮވެމްބަރު މަހަށް ފުވައްމުލަކު ގޭބިސީތަކަށް ފެން ބިލެއް ނުދާނެ: ފެނަކަ
ފާއިތުވި ނޮވެމްބަރު މަހު ފުވައްމުލައް ސިޓީއަށް ފެން ފޯރުކޮށްދިނުމަށް ދިމާވި ދަތިތަކާ ގުޅިގެން އެ މަހަށް ބިލު ނުކުރާނެކަމަށް ފެނަކަ ކޯޕަރޭޝަން ލިމިޓެޑުން ބުނެފިއެވެ. ފެނަކައިން ނެރުނު ނޫސްބަޔާނެއްގައި ބުނީ، ފުވައްމުލައް ސިޓީއަށް ދިމާވެފައިވާ ފެނުގެ މައްސަލަ ޙައްލުކުރުމަށާއި، ރަނގަޅު ފެންވަރެއްގައި ފެނުގެ ޚިދުމަތް އަލުން ދިނުމަށް ޓަކައި ކުރަންޖެހޭ އެންމެހައި ކަންކަން ކުރަމުންދާކަމަށެވެ. އަދި ފެނުގެ ނިޒާމު އަޕްގްރޭޑުކުރުމުގެ މަސައްކަތް ކުރަމުންދާ ކަމަށާއި މި މަސައްކަތުގެ މަޤްސަދަކީ ފުވައްމުލަކުގެ ރައްޔިތުންނަށް ދެމެހެއްޓެނިވި ގޮތުގައި ފެންވަރު ރަނގަޅު ފެނުގެ ޚިދުމަތެއް ކަށަވަރުކޮށްދިނުން ކަމަށް ވެސް ފެނަކައިން ބުނެއެވެ.
ފެނުގެ ޚިދުމަތަށް ދިމާވި ދަތިކަމުގެ ސަބަބުން ރައްޔިތުންނަށް ލުޔެއް ދިނުމަށް ޓަކައި، ފާއިތުވި ނޮވެންބަރު މަހު ފުވައްމުލައް ސިޓީގެ ފެނަށް ބިލުނުކުރާގޮތަށް.
ފެނަކަ ކޯޕަރޭޝަން ލިމިޓެޑުން ބުނެފައިވެއެވެ. https://twitter.com/TeamFenaka/status/1995765165241884815 އެ ދަތި އުނދަގޫ ވަގުތުގައި ފުވައްމުލަކުގެ ލޮބުވެތި ރައްޔިތުންގެ ފަރާތުން ލިބުނު އެއްބާރުލުމާއި އެހީތެރިކަން ފާހަގަކޮށް، ޝުކުރު އަދާކުރާކަމަށާއި ކުރިޔަށް އޮތް ތަނުގައި ފެނުގެ ޚިދުމަތް އިތުރަށް ހަރުދަނާކޮށް، ރައްޔިތުންގެ އިތުބާރު ހޯދުމަށް މަސައްކަތް ކުރަމުންދާނެ ކަމަށް ވެސް އެ ކުންފުނިން ބުނެފައިވެއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.