ލ.ގަމުން ކޮވިޑަށް ފައްސިވީ ސިފައިންނާ އެކަކުވެސް ޑައިރެކްޓް ކޮންޓެކްޓް ވެފައެއް ނުވޭ!
ލ.ގަމުން ކޮވިޑް-19 އަށް ފައްސިވީ ސިފައިންނާ , އެއްވެސް މީހަކު ޑައިރެކްޓް ކޮންޓެކްޓް ވެފައި ނުވާ ކަމުގައި ގަން ރީޖަނަލް ހޮސްޕިޓަލުން ބުނެފިއެވެ.
ލ. ގަމުގައި ޓްރެއިނިން ހަދަމުން ދިޔަ 25 ސިފައިން ކޮވިޑް-19 އަށް މިއަދު ވަނީ ފައްސިވެފައެވެ. އެ އެމީހުން ކޭމްޕް ކޮށްގެން ތިބީ ގަމުގެ މީހުން ދިރިނޫޅޭ ސަރަހައްދެއް ކަމަށްވާ (ކަށިކޮލި ނުވަތަ ވައިޓްބޭ) ސަރަހައްދުގައެވެ.
ލ.ގަމު ރީޖަނަލް ހޮސްޕިޓަލްގެ ފޭސްބުކް ޕޭޖުގައި ކޮށްފައިވާ ޕޯސްޓެއްގައި ބުނެފައި ވަނީ ފައްސިވެފައި ވަނީ އޮކްޓޯބަރު 1 ވަނަ ދުވަހުގެރޭ ސާމްޕަލް ނެގި 93 މީހުންގެ ތެރޭގައި ހިމެނޭ ބައެއް ކަމަށެވެ. އަދި މިހާތަނަށް ބެލިބެލުމުން މިފަރާތްތަކާއި ޑައިރެކްޓް ކޮންޓެކްޓް ވެފައިވާ އެއްވެސް ފަރާތެއް ނެތް ކަމަށް ވެސް ބުނެފައި ވެއެވެ.
މީގެ ކުރިން ވެސް ގަމުން ހޯމް ކަރަންޓީނުގައި ތިބި ދެމީހަކު ވަނީ ކޮވިޑް-19 އަށް ފައްސި ވެފައެވެ. އެ ދެމީހުން ވެސް މިހާރު ވަނީ ބަލިން ރަނގަޅު ވެފައެވެ.
