Tuesday, 17 November 2026
Advertisement
Ooredoo — Article-Top (leaderboard)
ޚަބަރު

ޖަލުތަކުން އުކާލާ ތަކެތިން ގަސްކާނާ ހަދަން ދަސްކޮށްދޭ ވޯކްޝޮޕްތަކެއް ކުރިއަށް ގެންގޮސްފި

ޖަލުތަކުން އުކާލާ ތަކެތިން ގަސްކާނާ ހަދަން ދަސްކޮށްދޭ ވޯކްޝޮޕްތަކެއް ކުރިއަށް ގެންގޮސްފި

ޖަލުތަކުން އުކާލާ ތަކެތިން ގަސްކާނާ ހަދަން ދަސްކޮށްދޭ ވޯކްޝޮޕްތަކެއް ގައިދީންނަށް ކުރިއަށް ގެންގޮސްފިއެވެ.

އެ ވޯކްޝޮޕްތައް ކުރިއަށް ގެންދިޔައީ މޯލްޑިވްސް ކަރެކްޝަނަލް ސަރވިސް(އެމްސީއެސް)އިން ސޮނެވާ ރިސޯޓުތަކުން ހިންގާ އެންޖީއޯ،ސޮނެވާ ނަމޫނާއާ ގުޅިގެންނެވެ.

ނިމިގެން ދިޔަ ހަފްތާގައި އައްސޭރި ޖަލާއި މާފުށީ ޖަލުގައި ކުރިއަށް ގެންދިޔަ އެ ވޯކްޝޮޕްތަކުގައި 42ގައިދީއަކު ބައިވެރިވި އިރު 33ކަރެކްޝަންސްގެ އޮފިސަރުންވެސް ބައިވެރިވިއެވެ.

Advertisement
Allied Insurance — Square (box)

އެ  ވަރކްޝޮޕްތަކަކީ ސޮނެވާ ނަމޫނާއާ ދެމެދު ސޮއިކުރެވިފައިވާ ފަހުމްނާމާގެ ދަށުން ޖަލުތަކުގައި ދެމެހެއްޓެނިވި ގޮތެއްގައި ކުނި މެނޭޖްކުރާނެ ގޮތްތައް ދަސްކޮށްދިނުމުގެ ގޮތުން ކުރިއަށް ގެންދާ ވޯކްޝޮޕްތަކެއް ކަމަށް ވެސް ކަރެކްޝަންސްއިން ބުންޏެވެ.

"މިފަދަ ޕްރޮގްރާމްތައް ޤައިދީންނަށް ހިންގުމުގެ މަގުސަދަކީ، ހުކުމްތަންފީޒު ކުރުމަށް ފަހު ގައިދީން އަނބުރާ މުޖުތަމަޢަށް ނިކުންނައިރު ދިރިއުޅުމުގައި ޢާމްދަނީއެއް ލިބޭނޭ ފަދަ މަސައްކަތެއް ނޫނީ ހުނަރް ދަސްކޮށްދީ، އަމަލީ ތަޖުރިބާ ހޯދުމުގެ ފުރުސަތުތައް ފަހިކޮށްދިނުމެވެ. އެގޮތުން އުކާލެވޭ ކާބޯތަކެތި ބޭނުންކޮށްގެން ކާދު އުފައްދައި، ދިރިއުޅުން ތިމާވެއްޓާ ރައްޓެހި ގޮތަށް ބައްޓަންކޮށް، ދަސްކޮށްދެވޭ މަސައްކަތްތަކުން މަންފާއެއް ހޯދުމުގެ ފުރުޞަތު ލިބިގެންދާނެއެވެ."ކަރެކްޝަންސްއިން ބުންޏެވެ.

އެ ވޯކްޝޮޕްތައް ކުރިއަށް ގެންގޮސްފައިވަނީ ރިހެބިލިޓޭޝަން އެންޑް ރީއިންޓަރގްރޭޝަން ކޮމާންޑްގެ އިސްނެގުމުގެ ދަށުން އިންސްޓިޓިއުޓް ފޮރ ކަރެކްޝަނަލް ސްޓަޑީޒްއާ ގުޅިގެން ސޮނެވާ ނަމޫނާގެ މާހިރުންނެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.