ބާ މުސްހަފްތައް ނައްތާލަން މާލެ ސިޓީ ކައުންސިލްއާ ހަވާލުކުރުމުގެ މުއްދަތު އިތުރުކޮށްފި
މާލޭ ސަރަހައްދުގެ ގޭގޭގައި ހުރި ބާ މުސްހަފުތަކާއި ގުރުއާނުގެ އާޔަތް ނުވަތަ ހަދީސް ހިމެނޭ އެ ފަދަ ދީނީ ފޮތްތަކާއި ލިޔުންތައް ނައްތާލަން މާލެ ސިޓީ ކައުންސިލްއާ ހަވާލުކުރުމުގެ މުއްދަތު އިތުރުކޮށްފިއެވެ.
އެފަދަ ލިޔުންތައް ނައްތާލަން މާލެ ސިޓީ ކައުންސިލްއާ ހަވާލުކުރުމުގެ ފުުރުސަތު ކުރިން ހުޅުވާލައިފައިއޮތީ މިދިޔަ ބުރާސްފަތި ދުވަހާ ހަމައަށެވެ.
ނަމަވެސް މާލޭ ސިޓީ ކައުންސިލްއިން ބުނީ އެ ފުރުސަތު މާދަމާއިން ފެށިގެން އަންނަ ބުރާސްފަތި ދުވަހާ ހަމައަށް މިހާރު އިތުރުކޮށްފައިވާ ކަމަށެވެ.
އެގޮތުން އެ ދުވަސްތަކުގައި ކޮންމެ ދުވަހެއްގެ ހެނދުނު 9:00އިން މެންދުރު 12:00އަށް، މެންދުރު ފަހު 1:00އިން ހަވީރު 5:00އަށް އެ ލިޔުންތައް ބަލައިގަންނާނެ ކަމަށް ވެސް ކައުންސިލުން ބުންޏެވެ.
ތަކެތި ބަލައިގަންނަ ތަންތަން
- މާލެ : ސިނަމާލެ 3ގެ ގޯތިތެރެ ( ގަލޮޅު މަދުރަސާ ކުރިމަތިން ބުރުޒުމަގުން ސިނަމާލެ 3ގެ ގޯތިތެރެއަށް ވަދެވޭ ގޭޓުން އެތެރެ )
- ވިލިމާލެ : މާލޭ ސިޓީ ކައުންސިލް އިދާރާގެ ވިލިމާލެ ސެކްޝަން
- ހުޅުމާލެ : މާލޭ ސިޓީ ކައުންސިލް އިދާރާގެ ހުޅުމާލެ އޮފީސް
މޭޔަރު އާދަމް އާޒިމް ކުރިން ވިދާޅުވި ގޮތުގައި މުސްހަފްތަކާއި އެފަދަ ލިޔުންތައް ހިމެނޭ ފޮތްތައް ނައްތާލަނީ ފުލުހުންނާ ގުޅިގެންނެވެ.
Ads by STO
