ކޮވިޑް-19: އިތުރު ފަސް ރަށެއްގެ މޮނީޓަރިންގެ ހާލަތު އުވާލައިފި
އިތުރު ފަސް ރަށެއްގެ މޮނީޓަރިންގެ ހާލަތު އުވާލައިފިއެވެ.
ހދ. ކުޅުދުއްފުށިން އިއްޔެ ކޮވިޑް ކޭސްއެއް ފެނުމާ ގުޅިގެން، އެސިޓީއާއި އިތުރު ފަސް ރަށެއް ވަނީ މޮނީޓަރިންގެ ހާލަތަށްލާފައެވެ. އެއީ ކުޅުދުއްފުށި ސިޓީން ފައްސިވީ މީހާ އެފަސް ރަށަށް ވެސް ދަތުރު ކޮށްފައިވުމާއި ގުޅިގެންނެވެ.
ކުޅުދުއްފުށި ޕޮލިސް ސްޓޭޝަންގައި މަސައްކަތްކުރާ ފުލުހަކު ކޮވިޑް-19 އަށް ފައްސި ވުމާއި ގުޅިގެން، އެރަށުގެ އިތުރުން މޮނީޓަރިންގެ ހާލަތަށް ލާފައިވަނީ ހއ. ހޯރަފުށި، ހއ. ދިއްދޫ، ށ. ފުނަދޫ، ހއ. ބާރަށް އަދި ހދ. ކުރިނބީ އެވެ.
ކުޅުދުއްފުއްޓާއި އެ ފަސް ރަށުގެ މޮނިޓަރިންގެ ހާލަތު އުވާލާފައިވާކަން އެޗްޕީއޭއިން ވަނީ އެ ރަށްރަަށަށް މިއަދު އަންގައިފައެވެ.އަދި އެ ރަށްރަށުގެ މޮނިޓަރިންގެ ހާލަތު އުވާލާފައި މިވަނީ ކޮންޓެކްޓް ޓްރޭސިން ހަދައި ނިމުމުންނެވެ.
ކުޅުދުއްފުށިން ފައްސިވީ މީހާއަކީ ކުރިނބި މީހެއް ކަމަށާއި އޭނާ މިހާރު ހުރީ އެކަހެރި ކޮށްފައިކަމަށް މައުލޫމާތު ލިބެއެވެ. އެރަށް މޮނީޓަރިންގަށް އިއްޔެ ލީ ނަމަވެސް، ކުރިނބި އިން ނެގި ހުރިހާ ސާމްޕަލެއް ވަނީ ކޮވިޑަށް ނައްސި ވެފައެވެ.
