ޓްރީ ޓޮޕް ހޮސްޕިޓަލުން ޕީސީއާރު ޓެސްޓު ހެދޭ އަގު ހެޔޮ ކޮށްފި
މިއަދުން ފެށިގެން ޓްރީޓޮޕް ހޮސްޕިޓަލުން ހަދާ ޕީސީއާރް ޓެސްޓުތަކުގެ އަގުހެޔޮ ކުރުމަށް ނިންމައިފިއެވެ. އެގޮތުން އެ ހޮސްޕިޓަލުން ވަނީ ޓެސްޓު ހަދާ މިންވަރު އިތުރުކޮށް، އަގުހެޔޮ ކުރުމަށް ނިންމާފައެވެ.
އެ ހޮސްޕިޓަލުން ބުނި ގޮތުގައި އެ ހޮސްޕިޓަލުގައި ޕީސީއާރު ޓެސްޓު ހެދުމަށް ބޭނުންވާ އިތުރު މެޝިނެއް ވަނީ ގާއިމްކޮށްފައެވެ. އަދި މިއާއެކު ޓެސްޓު ހެދޭ މިންވަރު ވެސް އިތުރުވެގެންދާނެ އެވެ.
ޓްރީ ޓޮޕް ހޮސްޕިޓަލުން ޕިސީއާރް ޓެސްޓުގެ އަގުތައް:
- ދިވެހި ރައްޔިތުންނަށް 1399ރ.
- ވޯކް ޕަރމިޓް ބިދޭސީންނަށް 1399ރ.
- ފަތުރުވެރިންނަށް 1499ރ.
އަދި މި ބަދަލާއެކު ޓެސްޓު ހެދުމަށް ސާމްޕަލް ނަގާތާ 24 ގަޑިއިރާ 48 ގަޑިއިރާ ދެމެދުގެ ވަގުތެއްގައި ޓެސްޓުގެ ނަތީޖާ ލިބިގެންދާނެ ކަމުގައި ވެސް އެ ހޮސްޕިޓަލުން ވަނީ ބުނެފައެވެ.
މީގެ އިތުރުން މިވަގުތަށް ވުރެ އަވަހަށް ޓެސްޓުގެ ނަތީޖާ ބޭނުންވާ ފަރާތްތަކަށް ޕީސީއާރު ޕްރިމިއަމްގެ ނަމުގައި ހިދުމަތެއް ދިނުމަށް ވެސް ވަނީ ނިންމާފައެވެ.
އެ ހޮސްޕިޓަލުން ބުނި ގޮތުގައި ޕީ.ސީ.އާރު ޓެސްޓު ހެއްދުމުގެ ޚިދުމަތް އައުޓް-ޕޭޝަންޓް (އޯ.ޕީ.ޑީ)، އިން-ޕޭޝަންޓް (އައި.ޕީ.ޑީ) އަދި ޓްރެވަލް ސެޓްފިކޭޝަން އަށް ވެސް ވަނީ ހުޅުވާލާފައެވެ.
