Tuesday, 17 November 2026
Advertisement
Ooredoo — Airfibre (leaderboard)
ސިޔާސީ

2028ގެ ރިޔާސީ އިންތިޚާބު ޕީއެންސީއަށް ކާމިޔާބުވުމަކީ ޤައުމަށް އޮތް އެންމެ ރަނގަޅު ގޮތް: ޣައްސާން

2028ގެ ރިޔާސީ އިންތިޚާބު ޕީއެންސީއަށް ކާމިޔާބުވުމަކީ ޤައުމަށް އޮތް އެންމެ ރަނގަޅު ގޮތް: ޣައްސާން

2028ވަނަ އަހަރު ބާއްވާ ރިޔާސީ އިންތިޚާބު ޕީއެންސީއަށް ކާމިޔާބުކުރުމަކީ ދިވެހި ޤައުމުގެ ކުރިމަގަށް އޮތް އެންމެ ފައިދާހުރި ގޮތްކަމުގައި ކުރީގެ ޑިފެންސް މިނިސްޓަރު މުޙައްމަދު ޣައްސާން މައުމޫން ވިދާޅުވެއްޖެއެވެ.

މީސްމީޑިއާ 'އެކްސް' އެކައުންޓުގައި އާންމުކުރެއްވި މެސެޖެއްގައި، މި މަހުގެ 15އިން 18އަށް ކުރިއަށްދިޔަ ޕީއެންސީގެ މަތީ މަޖިލީހުގެ ހަރަކާތްތައް ފެށިގެންދިޔައީ ވަރަށް ކާމިޔާބުކޮށް ކަމަށް ވަނީ ސިފަކުރައްވާފައެވެ. އަދި ކުރިއަށް އޮތް ދައުރުގައި ވެސް ވެރިކަން ކުރާ ޕާޓީއަށް ރިޔާސީ ރޭސް ކާމިޔާބުވުމުގެ މުހިންމުކަން އޭނާ ވަނީ ތަކުރާރުކޮށް ފާހަގަކުރައްވާފައެވެ.

https://twitter.com/mgmaumoon/status/2101018900024758723

Advertisement
HDC — Sidebar (box)

މިއީ މިހާތަނަށް ރާއްޖޭގެ ސިޔާސީ ޕާޓީއަކުން ބޭއްވި އެންމެ ފުރިހަމަ އެއް ހަރަކާތްކަން ފާހަގަކޮށްލެވެއެވެ. ނިމިގެންދިޔަ މަތީ މަޖިލީހުގެ ފަހު ޖަލްސާގައި، ޕީއެންސީގެ ފަރާތުން ކުރިއަށް އޮތް ރިޔާސީ އިންތިޚާބުގައި ވާދަކުރައްވާނެ ކެންޑިޑޭޓަކީ މިހާރުގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކަމުގައި ކަނޑައަޅައި، އެމަނިކުފާނަށް ވަނީ ރަސްމީކޮށް ޕާޓީގެ ޓިކެޓް އަރުވާފައެވެ. މީގެ އިތުރުން ޕާޓީގެ ލީޑަރޝިޕްގެ އެކި މަޤާމުތަކަށް ބޭފުޅުން އިންތިޚާބުކުރުން ވެސް ވަނީ މި މަހާސިންތާގެ ތެރެއިން ކުރިއަށް ގެންގޮސްފައެވެ.

މި ބޮޑު މަހާސިންތާ އިންތިޒާމުކުރުމުގައި ހަރަކާތްތެރިވި ކޮމިޓީގެ މެންބަރުންނަށާއި، އެހެނިހެން ގޮތްގޮތުން އެހީތެރިކަން ފޯރުކޮށްދެއްވި ހުރިހާ ފަރާތްތަކަށް ޣައްސާން ވަނީ ޚާއްޞަ ޝުކުރެއް އަދާކުރައްވާފައެވެ. ހަމައެއާ އެކު، އިންތިޚާބުން ކުރިހޯއްދަވައި ޕާޓީގެ އައު މަޤާމުތަކާ ހަވާލުވެވަޑައިގެންނެވި ބޭފުޅުންނަށް އޭނާ ވަނީ ހޫނު މަރުޙަބާއެއް ދަންނަވާފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.